ကိုဗစ်ရန်ပုံငွေအနေနဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်လက်မှတ်ပါတဲ့ mask နှစ်ခုကို ရန်ကုန်နဲ့ နေပြည်တော်မှာ လေလံတင်ရောင်းချခွင့်ပြုဖို့ ဦးမောင်မောင်အေးက ဒီကနေ့ အွန်လိုင်းဆွေးနွေးပွဲမှာ အတိုင်ပင်ခံကို တင်ပြတောင်းဆိုခဲ့ပါတယ်။

“ သေတော့မသေချာသေးပါဘူး၊ live မှာတော့ အန်တီကပေးမယ်လို့တော့ပြောပါတယ်။ အပြင်မှာောတ့ အသေးစိတ်မဆွေးနွေးရသေးပါဘူး။ နှစ်ခုရှိတယ်ပေးမယ်ပြောတယ်ပေါ့နော်။ တကယ်လို့ ခွင့်ပြုချက်ရမှပဲ လေလံတင်ရောင်းချမယ့် ကိစ္စတွေကိုအသေးစိတ်စီစဉ်သွားပါမယ်။ လေလံအောင်ခဲ့ရင်တော့ အားလုံးကို ကိုဗစ်ရန်ပုံငွေအတွက်ပဲ သုံးသွားမှာပါ” လို့ ကိုမောင်မောင်အေးက Duwun ကိုပြောပါတယ်။ 

ဒီကနေ့ အွန်းလိုင်းဆွေးနွေးပွဲမှာတော့ ကိုမောင်မောင်အေးက ကိုဗစ်ကာကွယ်ထိန်းချုပ်ရေးနဲ့ ပတ်သက်ပြီး We Love Yangon အဖွဲ့ကိုယ်စားပြုအနေနဲ့ ဝင်ရောက်ဆွေးနွေးခဲ့တာဖြစ်ပြီး ကိုဗစ်ရန်ပုံငွေအတွက်ကိုလည်း အခုလို တောင်းဆိုခဲ့တာဖြစ်ပါတယ်။ 

ကိုဗစ်နဲ့ ပတ်သက်ပြီး လက်ရှိနိုင်ငံအတွင်းမှာ ပြည်တွင်းကူးစက်လူနတွေများလာတကြောင့် လူနာတွေနဲ့ ထိတွေ့ထားတဲ့ သူဦးရေတွေကို ကွာရန်တင်းထားဖို့ကနေရာအကခအခဲတွေရှိနေပါတယ်။ လက်ရှိရန်ကုန်မှာ ကွာရန်တင်းဝင်ရောက်နေသူ (၆၀၀၀)ကျော်ရှိပြီး ကွာရန်တင်းနေရာတွေအခက်အခဲရှိသလို ကူညီထောက်ပံ့မှုအပိုင်းတွေမှာလည်း လိုအပ်ချက်တွေရှိနေတယ်လို့ သိရပါတယ်။ ဒါကြောင့် ကိုဗစ်နဲ့ပတ်သက်ပြီးတတ်နိုင်တဲ့ဘက်က ရန်ပုံငွေတွေရရှိအောင် အခုလို တင်ပြခဲ့တာဖြစ်တယ်လို့ သိရပါတယ်။