ပရိသတ်တွေကတော့ ရှက်တာဒိုးနက်ရဲ့ နည်းပြအဖွဲ့ဝင်တစ်ယောက် ကလော့ပ်နဲ့ တော်တော်လေး ရုပ်ချင်းဆင်နေတဲ့အပေါ် နောက်ပြောင်နေကြပါတယ်။ အဆိုပါပုဂ္ဂိုလ်ကတော့ အိုင်ဂေါ်ဂါစ်ကိုဗစ်ဖြစ်ပြီး ရှက်တာဒိုးနက်ရဲ့ ကြံ့ခိုင်ရေးနည်းပြတစ်ယောက်ပါ။
သူ့ပုံစံက ရုတ်တရက်ကြည့်လိုက်ရင် ကလော့ပ်မှ ကလော့ပ်အစစ်ဖြစ်နေပါတယ်။ မျက်မှန်တပ်ထားပုံ၊ မျက်နှာကျ၊ ဆံပင်ပုံစံကအစ ကလော့ပ်နဲ့ ခွဲမရအောင် ချွတ်စွတ်တူနေပြီး ပရိသတ်တွေကလည်း အဲ့ဒါကြောင့်ပဲ နောက်ပြောင်နေကြတာ ဖြစ်ပါတယ်။
ရှက်တာဒိုးနက်ရဲ့ တရားဝင်ဆိုရှယ်မီဒီယာကလည်း “ဒါက ကလော့ပ်မဟုတ်ပါဘူး။ ငါတို့ရဲ့ ကြံ့ခိုင်ရေးနည်းပြ ဂါစ်ကိုဗစ်ပါ” လို့ ရေးသားကာ ဂါစ်ကိုဗစ်ရဲ့ပုံကို တင်ထားခဲ့ပါတယ်။ ကလော့ပ်ကတော့ ပြီးခဲ့တဲ့ရာသီကုန်မှာ လီဗာပူးနဲ့ လမ်းခွဲသွားခဲ့ပါတယ်။
အခုချိန်မှာလည်း သူက အသင်းလက်မဲ့ဖြစ်နေပြီး သူ နောက်ဆုံးပြောသွားတဲ့ စကားတွေအရတော့ ကလော့ပ်တစ်ယောက် နည်းပြလောကထဲ ပြန်ဝင်လာဖို့က မဖြစ်နိုင်တော့သလောက်ပဲလို့ ဆိုရမှာဖြစ်ပါတယ်။