သြစတြေးလျတောင်ပိုင်း ကောင်းကင်ယံ ပေ ၁၄,၁၀၀ ကျော် အမြင့်ကနေ ခုန်ချပြီး လေဟုန်စီးခဲ့တဲ့ အသက် ၁၀၂ နှစ်အရွယ် အဘွားက ကမ္ဘာ့အသက်အကြီးဆုံး လေဟုန်စီးသူအဖြစ် မှတ်တမ်းဝင်ခဲ့တယ်လို့ ဆိုပါတယ်။

အသက်ရာကျော်အဘွား အီရန်နီအိုရှေးက စွန့်စားရတာကို သဘောကျသူဖြစ်ပြီး ယခု လေဟုန်စီးမှုအပြီးမှာ သာမန်လိုပဲ ခံစားခဲ့ရတယ်လို့ ပြောခဲ့ပါသေးတယ်။ အဆိုပါ အဘွားဟာ ၂၀၁၆ ခုနှစ်အတွင်း အသက် ၁၀၀ ပြည့်ချိန်မှာ ပထမဆုံး ကောင်းကင်ယံမှ ဒိုင်ဗင်ထိုးဆင်းခဲ့ဖူးပေမဲ့ စီစဉ်သူတွေကတော့ သူမရဲ့အသက် ၁၀၂ နှစ်နဲ့ ၁၉၄ ရက်ပြည့်တဲ့ ယခုနှစ် ဒီဇင်ဘာ ၉ ရက်မှာ လေဟုန်စီးမှု အောင်မြင်ပြီးမြောက်ခဲ့တယ်လို့ ပြောထားပါတယ်။

(Photo: SA Skydiving / Bryce Sellick & Matt Teager)

(Photo: AFP)

အဘွားအီရန်နီအိုရှေးဟာ သူမရဲ့သမီးဖြစ်သူ အာရုံကြောဆိုင်ရာ ရောဂါကြောင့် ကွယ်လွန်ခဲ့ပြီးနောက် ထိုရောဂါခံစားနေရသူတွေအတွက် ရန်ပုံငွေရှာဖွေမှုအဖြစ် လေဟုန်စီးခဲ့ခြင်း ဖြစ်တယ်လို့ AFP သတင်းက ပြောပါတယ်။