ခေါက်သိမ်းနိုင် Foldable စမတ်ဖုန်းတွေဟာ နှစ်အလိုက် ပိုပြီး တွင်ကျယ်လာနေပါတယ်။
ဈေးကွက်အနေနဲ့ Foldable ဖုန်းတွေ ထုတ်လာတဲ့သက်တမ်း သိပ်မကြာသေးပေမယ့် Foldable ဖုန်းတွေဟာ ပရီမီယံဖုန်းဈေးကွက်နဲ့အပြိုင် အားကောင်းတဲ့ဈေးကွက်တစ်ခု ဖြစ်လာနိုင်ပါတယ်။ IDC ရဲ့ ဈေးကွက်အချက်အလက်တွေအရ ပြီးခဲ့တဲ့ ၂၀၂၁ ခုနှစ်မှာ Foldable ထုတ်ကုန်ပေါင်း ၇.၁ သန်း တင်ပို့နိုင်ခဲ့တယ်လို့ ဆိုပါတယ်။
Photo: Tech Spot
နိုင်ငံတကာအချက်အလက်ကော်ပိုရေးရှင်း IDC ရဲ့ အဆိုအရ ၂၀၂၀ ခုနှစ်က Foldable စမတ်ဖုန်း တင်ပို့မှုဟာ ၁.၉ သန်း ရှိခဲ့တယ်လို့ ထုတ်ပြန်ခဲ့တာပါ။ ၂၀၂၀ ခုနှစ်က နဲ့ ယှဉ်ရင် ၂၀၂၁ ခုနှစ် Foldable ဖုန်းတင်ပို့မှုဟာ ၃ ဆကျော် မြင့်တက်လာခဲ့တယ်လို့ ဆိုပါတယ်။ ၂၀၂၁ ခုနှစ် ဈေးကွက်အချက်အလက်တွေအရ Foldable ဖုန်း တင်ပို့မှုဟာ ၂၆၄.၃% တက်လာခဲ့ပြီး စုစုပေါင်း တင်ပို့မှု ၇.၁ သန်းအထိ ရှိလာခဲ့တယ်လို့ သိရပါတယ်။
ဒီအချက်အလက်တွေဟာ ၂၀၂၅ ခုနှစ်အထိ ထပ်ပြီး တက်သွားဖို့ ရှိပါတယ်။ IDC ရဲ့ ခန့်မှန်းချက်အရ ၂၀၂၂၅ မှာ နှစ်စဉ်ဖွံ့ဖြိုးမှုနှုန်း ၆၉.၉% (အလုံးရေ ၂၇.၆ သန်း) ရှိလာမယ်လို့ မျှော်မှန်းထားပါတယ်။ Foldable ဖုန်းဈေးကွက်မှာ Samsung ဟာ မတူတဲ့ ခေါက်သိမ်းနိုင်ဒီဇိုင်းနဲ့ မော်ဒယ်နှစ်မျိုး ထုတ်ပြီး ဈေးကွက်ကြီးစိုးထားတယ်လို့ ဆိုပါတယ်။
Foldable ဖုန်းတွေဟာ ၂၀၂၅ ခုနှစ်မှာ စမတ်ဖုန်းဈေးကွက်ရဲ့ ၁.၈% ပဲ ရှိနိုင်ပေမယ့် ဆက်ပြီး မြင့်တက်လာမယ့် ဈေးကွက်ဖြစ်လာမှာပါ။ ၂၀၂၅ အရောက်မှာ Foldable ဖုန်းတွေရဲ့ ဈေးကွက်တန်ဖိုးဟာ ဒေါ်လာ ၂၉ ဘီလျံအထိ ရှိလာနိုင်ပါတယ်။