အီလွန်မက်စ်ဟာ တွစ်တာရှယ်ယာဒေါ်လာ ၃ ဘီလျံဖိုးအထိ ဝယ်ယူကာ တွစ်တာရဲ့ တဦးချင်းအစုရှယ်ယာအများဆုံးပုဂ္ဂိုလ်ဖြစ်လာခဲ့သူပါ။ သူ့ကို ကုမ္ပဏီဘုတ်အဖွဲ့ဒါရိုက်တာအဖြစ် ခန့်အပ်ခဲ့ပေမယ့်လည်း လက်ခံခြင်းမရှိခဲ့ဘဲ တွစ်တာကို အလုံးစုံဝယ်ယူဖို့အတွက် ကမ်းလှမ်းခဲ့ပြီး သူ့ကမ်းလှမ်းချက်ကို လက်မခံပါက သူပိုင်ဆိုင်ထားတဲ့ ရှယ်ယာတွေကိုပါ ပြန်လည်ရောင်းထုတ်ပစ်မယ်လို့ ဆိုထားပါတယ်။ 

ယူနိုက်တက်ပရိသတ်တဦးက "ယူနိုက်တက်ကို ဝယ်ပြီး ကမ္ဘာ့အကောင်းဆုံးလူငယ်ကစားသမားတွေကို ဒေါ်လာ ၂ ဘီလျံဖိုးလောက်သာရင်းနှီးလိုက်၊ ငါ့ကိုယုံ၊ သိပ်မကြာခင် မင်းငွေတွေ ပြန်ရပြီးတော့ တွစ်တာမှာ ဒီအကြောင်းတွေဆူညံနေလိမ့်မယ်၊ တွစ်တာကို ဝယ်မနေနဲ့တော့" လို့ အီလွန်မက်စ်ကို ပြောဆိုခဲ့ကြောင်း Sportbible က ဆိုပါတယ်။ 

အီလွန်မက်စ်ကတော့ Tesla နဲ့ Space X တို့ရဲ့ CEO ဖြစ်ပြီး ကမ္ဘာ့အချမ်းသာဆုံးသူဌေးအဖြစ် သတ်မှတ်ခံထားရကာ တွစ်တာကို ဝယ်ယူဖို့ကမ်းလှမ်းထားတဲ့ပမာဏရဲ့ အစွန်းထွက်လောက်နဲ့တောင် ယူနိုက်တက်ကို ဝယ်ယူနိုင်စွမ်းရှိသူဖြစ်ပါတယ်။