မန်စီးတီး၊ လီဗာပူးလ်၊ ချယ်လ်ဆီးနဲ့ ယူနိုက်တက်တို့က သူတို့ရဲ့ပြိုင်ဘက်တွေကို အနိုင်ရရှိခဲ့ရာမှာ အားလုံးက ပင်နယ်တီသွင်းဂိုးတွေနဲ့ အနိုင်ရရှိခဲ့တာဖြစ်လို့ပါပဲ။

မန်စီးတီး၊ လီဗာပူးလ်၊ ချယ်လ်ဆီးနဲ့ ယူနိုက်တက်တို့က သူတို့ရဲ့ပြိုင်ဘက်တွေကို အနိုင်ရရှိခဲ့ရာမှာ အားလုံးက ပင်နယ်တီသွင်းဂိုးတွေနဲ့ အနိုင်ရရှိခဲ့တာဖြစ်လို့ပါပဲ။ မန်စီးတီးက ၀ုလ်ဗ်ကို အနိုင်ရရှိခဲ့ရာမှာ စတာလင်ရဲ့ တလုံးတည်းသော ပင်နယ်တီဂိုးနဲ့ အနိုင်ရရှိခဲ့တာဖြစ်သလို ယူနိုက်တက်ကလည်း နော်ဝှစ်ချ်ကို ရော်နယ်ဒိုရဲ့ တလုံးတည်းသော ပင်နယ်တီနဲ့ အနိုင်ရရှိခဲ့တာပါ။

ဒါ့အပြင် လီဗာပူးလ်ကလည်း ဆာလာရဲ့ ပင်နယ်တီဂိုးနဲ့ ဗီလာကို အနိုင်ရရှိခဲ့ပြီး ချယ်လ်ဆီးက ၃-၂ နဲ့ လိဒ်ကိုအနိုင်ရခဲ့ရာမှာ​ ဂျော်ဂျင်ဟိုက ပင်နယ်တီ ၂လုံးအထိ သွင်းယူပေးသွားခဲ့တာဖြစ်ပါတယ်။ ဒါဟာ ပရီးမီးယားလိဂ်မှာ ကြုံတောင့်ကြုံခဲဖြစ်ရပ်ဖြစ်သလို နိုင်ပွဲရဖို့အတွက် အသင်းကြီးတွေ ရုန်းကန်နေရတယ်ဆိုတာကိုလည်း ထင်ဟပ်စေခဲ့ပါတယ်။ 

ပွဲစဉ်တွေ ဆက်တိုက်ကစားရတာကြောင့် ကစားသမားတွေပွဲပန်းမှုရှိလာနေပြီး အလွယ်တကူနဲ့ဂိုးတွေပေးနေရတာ၊ ဂိုးသွင်းဖို့ခက်ခဲလာတာတွေကို မြင်တွေ့နေရပါတယ်။ အနားယူချိန်ထက် ကစားရချိန်က ပိုများလာချိန်မှာ ကစားသမားတွေခြေစွမ်းကျဆင်းလာပြီး ပုံမှန်ခြေစွမ်းရဖို့ကို မနည်းအားထုတ်နေရကာ နည်းပြတွေအတွက်တော့ ခေါင်းကိုက်စရာ ဒီဇင်ဘာလအဖြစ်ရှိနေပြီဖြစ်ပါတယ်။