Photo - Zaw Lwin
သင်္ကြန်အထူးရထားကို ရန်ကုန်ကနေ မန္တလေးကို ဧပြီလ(၈)ရက်နေ့က (၁၃)ရက်နေ့အထိနဲ့ သင်္ကြန်အပြီး ဧပြီလ(၁၈) (၁၉)ရက်နေ့တွေမှာ ပြေးဆွဲပေးသွားမှာဖြစ်တယ်လို့ မြန်မာမီးရထားကသိရပါတယ်။
မန္တလေးကနေ ရန်ကုန်ကို လာမယ့် သင်္ကြန်အထူးရထားတွေကိုတော့ ၂၀၁၉ခုနှစ် ဧပြီလ(၉) (၁၀) (၁၁) (၁၃) ရက် နေ့တွေနဲ့ သင်္ကြန်အပြီး ဧပြီလ (၁၇) (၁၈) (၁၉)ရက်နေ့တွေမှာ ပြေးဆွဲပေးမှာဖြစ်ပါတယ်။
သင်္ကြန်ပိတ်ရက်အတွင်း ဝန်ထမ်းများသွားလာမှု အဆင်ပြေစေရေးအတွက်လည်း ဧပြီ ၁၂ ရက် နေ့မှာ နေပြည်တော်ကနေ ရန်ကုန်သို့၊ ဧပြီ ၁၇ ရက်နေ့မှာရန်ကုန်ကနေ နေပြည်တော်ကို ဝန်ထမ်းအထူးရထားကို ပြေးဆွဲပေးမယ်လို့ဆိုပါတယ်။
Photo - Zaw Lwin
ရထားလက်မှတ်ခများကို ယခင်ဈေးနှုန်းအတိုင်း ပြောင်းလဲခြင်း မရှိဘဲ ရောင်းချပေးသွားမည် ဖြစ်ပြီး လက်မှတ်ဝယ်ယူမှု အဆင်ပြေစေရေးအတွက် မြန်မာ့မီးရထား တာဝန်ရှိသူများမှ အဆင့်ဆင့် ကြပ်မတ်ဆောင်ရွက်သွားမယ်လို့ဆိုပါတယ်။
ယခုနှစ်သင်္ကြန်ကာလအတွင်း ရန်ကုန်မြို့တွင်းနဲ့ ဆင်ခြေဖုံး လမ်းပိုင်းအတွက် ပြည်သူများ ခရီးသွားလာမှု အဆင်ပြေစေဖို့အတွက် ရထားတွဲဆိုင်း(၈)ဆိုင်းနဲ့ ရထားစီးရေ (၉၀)စီး နေ့စဉ် ပြေးဆွဲပေးသွားမယ်လို့သိရပါတယ်။