သရုပ်ဆောင်ခြူးလေးက သင်္ကြန်(၄) ရက်လုံး မယ်သီလရှင်ဘဝကို ခံယူပြီး တရားဘာဝနာများ ပွားများခဲ့တာ ဖြစ်ပါတယ်။

သရုပ်ဆောင် ခြူးလေးက သာသနာ့ဘောင်ထဲကို ဧပြီ(၁၃) ရက်နေ့က ဝင်ရောက်ခဲ့တာ ဖြစ်ပါတယ်။ သင်္ကြန်လေးရက်စလုံး အလိုတော်ပြည့်ကျောင်းတိုက်မှာ ဆရာလေးဒေါ်ဉာဏဘွဲ့ကို ခံယူပြီး တရားဘာဝနာများ ပွားများခဲ့တာ ဖြစ်ပါတယ်။ ခြူးလေးက သူ့ရဲ့ ပရိသတ်တွေအတွက် သာသနာ့ဘောင် ဝင်ချိန်က သူနာခဲ့ရတဲ့ တရားတွေကိုလည်း ယခုလို ပြန်လည်မျှဝေထားတာ တွေ့ရပါတယ်။

Photo : ခြူးလေး

Photo : ခြူးလေး

သရုပ်ဆောင် ခြူးလေးက ဒီနေ့ နှစ်ဆန်းတစ်ရက်နေ့မှာတော့ သာသနာ့ဘောင်ထဲကနေ ပြန်ထွက်တော့မယ်လို့ သိရပါတယ်။ ခြူးလေး(Chue Lay) ဟာ MRTV 4 ရုပ်သံဇာတ်လမ်းတွဲတွေ ရိုက်ကူးရင်းနဲ့ နာမည်ရလာတဲ့ မင်းသမီးတစ်လက်ဖြစ်ပါတယ်။ သူမကို "ထာဝရ မန္တလေး" ရုပ်သံဇာတ်လမ်းတွဲနဲ့ လူသိများလာတာဖြစ်ပြီး အဲဒီနောက်မှာ ဗီဒီယိုတွေလည်း ရိုက်ကူးလာတာကို တွေ့ရပါတယ်။၂၀၁၇ ခုနှစ် သြဂုတ်လအတွင်းက ရိုက်ကူးတဲ့ One Night In The Old House ဆိုတဲ့ ဗီဒီယိုကားထဲမှာ ကိုရီးယားရူးမလေးအဖြစ် ပါဝင်ထားတဲ့ အပြင် MRTV 4 မှာ ပြသခဲ့တဲ့ "ပဉ္စလက်ရွာ" ဇာတ်လမ်းတွဲထဲမှာပါလည်း ပါဝင်ထားပါသေးတယ်။