သရုပ်ဆောင် ထွန်းထွန်းက Gym ကို အဓိကထား ဆော့ဖြစ်နေတဲ့ အကြောင်းကို ပြောပြလာပါတယ်။ လက်ရှိမှာလည်း သူ့ရဲ့ ကျန်းမာရေးကို ပိုဂရုစိုက်ဖြစ်လာတယ်လို့ ဆိုပါတယ်။

သရုပ်ဆောင် ထွန်းထွန်းက သူ့ရဲ့ ခန္ဓာကိုယ် ကို သေသေချာချာ ဂရုတစိုက်ရှိတဲ့အကြောင်းတွေ ပြောပြလာပါတယ်။ သူ့အနေနဲ့ Gym ဆော့တာများလို့ မျက်နှာ သေးသွားတယ်လို့ Facebook စာမျက်နှာမှာ ရင်ဖွင့်ထားတဲ့ အကြောင်းတွေကို Duwun Media ကနေ ပြောပြလာပါတယ်။

‘’ အဲ့ဒါကြောင့် ကျွန်တော် အကျီၤတွေ ချွတ်ပြီးတော့ ပုံတွေ တင်နေတာလေ ။ သူက ၆ လ Program ရှိတယ်၊ ကျွန်တော်က အခုဆော့တာ ၃ လပဲရှိသေးတယ်။ ၆ လပြည့်မှ ပုံမှန်လည်ပတ်မယ့် အနေအထားတွေရှိတယ်။ အိမ်ကလည်း ပြောနေတယ်၊ နင်က မျက်နှာနဲ့ အလုပ်လုပ်တာပေါ့နော် ခန္ဓာကိုယ်နဲ့ အလုပ်လုပ်တာ မဟုတ်ဘူးပေါ့။ ဒါပေမယ့် ကျွန်တော် လုပ်စရာရှိတာ ဆက်လုပ်နေပါတယ်’’ လို့ သူကဆိုပါတယ်။

ထွန်းထွန်းက Gym ဆော့ရတဲ့ ရည်ရွယ်ချက်ကိုလည်း ပွင့်ပွင့်လင်းလင်း ပြောခဲ့ပါသေးတယ်။ သူဟာ အသက် ၃၀ အရွယ်ကျော်လာတဲ့ အချိန်မှာ ကျန်းမာရေးနဲ့ ပတ်သက်ပြီး သေချာတဲ့အရာတစ်ခုကို လုပ်ချင်တယ်လို့ Cookie TV မိတ်ဆက်ပွဲကိုတက်ရောက်ရင်း ဖြေဆိုခဲ့ပါတယ်။

‘’ ကျွန်တော်ကိုယ်တိုင်လည်း အသက် ၃၂ ၊ ၃၅ နောက်ပိုင်းမှာ ကျန်းမာရေးနဲ့ ပတ်သက်ပြီးတော့ သေချာတဲ့ဟာလေးတွေ လုပ်ချင်လို့ပါ။ Gym ဆော့တဲ့ ခံယူချက်ကလည်း ပင်ပန်းသမျှက ကိုယ့်ခန္ဓာကိုယ်အတွက်ချည်းပဲ အဓိကက ကျန်းမာရေးကိုပဲ ပိုဦးစားပေးလုပ်ဖြစ်တယ်’’ လို့ ဆက်လက်ပြောပြလာပါတယ်။

Photo: ထွန်းထွန်း

ထွန်းထွန်းဟာ ကျန်းမာကြံ့ခိုင်ဖို့အတွက်သာ Gym ကို ဆော့ဖြစ်တယ်လို့ ဆိုပါတယ်။ ဒီလို ဆော့ဖြစ်ရတဲ့ အကျိုးတွေကလည်း ကောင်းမွန်တဲ့ ကျန်းမာရေးအနေအထားကို ဖြစ်ပေါ်လာစေတဲ့ အကြောင်း သူကဆိုပါတယ်။

Photo: ထွန်းထွန်း

ထွန်းထွန်းကတော့ အခုနောက်ပိုင်းမှာ ရုပ်ရှင်ဇာတ်ကားကြီးတွေ ဆက်တိုက်ဆိုသလို ရိုက်ကူးလာတာ ကို တွေ့ရပါတယ်။ ဂီတလော ကမှာ Examplez ဆိုတဲ့ နာမည်နဲ့ မိန်းကလေး ပရိသတ်တွေရဲ့ သည်းသည်းလှုပ် အားပေးခြင်းကို ခံခဲ့ရပါတယ်။ နောက်ပိုင်းမှာတော့ ထွန်းထွန်းဟာ သရုပ်ဆောင်နယ်ပယ်ကို ဝင်ရောက်လာခဲ့ပါတယ်။