ပြီးခဲ့တဲ့ရာသီကလည်း ဒီလိုဖြစ်ပျက်ခဲ့ဖူးပါတယ်။

အောက်တိုဘာလအတွင်းရရှိခဲ့တဲ့ သတင်းအချက်အလက်တွေအရ ပရီးမီးယားလိဂ်ကစားသမား ၆၈% သာ ကာကွယ်ဆေးအပြည့်အ၀ထိုးနှံထားတာလို့ ဆိုပါတယ်။


ပရီးမီးယားလိဂ်အသင်းတွေဟာ ကိုဗစ်မျိုးကွဲသစ်ဖြစ်တဲ့ အိုမီခရွန်သက်ရောက်လာမှုကြောင့် ပွဲစဉ်တွေရွှေ့ဆိုင်းရမယ့်အပေါ် ကြောက်ရွံ့ထိတ်လန့်နေတယ်လို့ သိရပါတယ်။ ယူနိက်တက်၊ နော်ဝှစ်ချ်၊ အာဆင်နယ်၊ စပါး၊ လက်စတာနဲ့ အက်စတွန်ဗီလာတို့မှာ ကိုဗစ်ကူးစက်ခံရတဲ့ ကစားသမားတွေရှိနေပြီး ဒီတပတ်မှာ ဘရန်ဖို့ဒ်-ယူနိုက်တက်ပွဲစဉ် ရွှေ့ဆိုင်းထားခဲ့ရပါတယ်။ 

ဘရိုက်တန်နဲ့ စပါးအသင်းတို့ကစားမယ့် တနင်္ဂနွေနေ့ကပွဲစဉ်ကိုလည်း ရွှေ့ဆိုင်းခဲ့ရပြီး ကစားသမားစုစုပေါင်း ၄၂ ဦးအထိ ကူးစက်ခံထားရတယ်လို့ ပရီးမီးယားလိဂ်က သတင်းထုတ်ပြန်ခဲ့ကာ ဒါဟာ တပတ်အတွင်းကူးစက်မှုစံချိန်သစ်လည်းဖြစ်လာခဲ့ပါတယ်။ Daily Mail ကတော့ ပရီးမီးယားလိဂ်ကလပ်တွေဟာ ကာကွယ်ဆေးထိုးနှံပေးရေးအစီအစဉ်တွေ နှေးကွေးလို့ ပိုမိုဆိုးဝါးလာမယ့်အပေါ် စိတ်ပူနေတယ်လို့ ဖော်ပြခဲ့ပါတယ်။
 


ကလပ်အသင်းတွေထဲမှာ ၀ုလ်ဗ်အသင်းတသင်းတည်းသာ ဗြိတိန်ဝန်ကြီးချုပ်ဘောရစ်ဂျွန်ဆင်ပြောဆိုထားတဲ့ အသက် ၁၈ နှစ်အထက်လူတွေအားလုံး တတိယမြောက်ကာကွယ်ဆေးထိုးနှံရမယ်ဆိုတဲ့ စီမံချက်ကို လိုက်နာတဲ့ အသင်းဖြစ်တယ်လို့ သိရပါတယ်။ အခုအခါမှာ လိဒ်ယူနိုက်တက်နဲ့ ဘရန်ဖို့ဒ်တို့က သူတို့ကစားသမားတွေကို တတိယမြောက်ကာကွယ်ဆေးထိုးနှံပေးဖို့စီစဉ်နေပြီလည်းဖြစ်ပါတယ်။

အောက်တိုဘာလအတွင်းရရှိခဲ့တဲ့ သတင်းအချက်အလက်တွေအရ ပရီးမီးယားလိဂ်ကစားသမား ၆၈% သာ ကာကွယ်ဆေးအပြည့်အ၀ထိုးနှံထားတာလို့ ဆိုပါတယ်။ မိမိဆန္ဒအလျောက် ကာကွယ်ဆေးထိုးနှံဖို့ငြင်းဆန်တဲ့ ကစားသမားတွေလည်းရှိနေပြီး အခုလိုကူးစက်မှုပျံ့နှံ့လာချိန်မှာတော့ ကလပ်အသင်းတွေက ကာကွယ်ဆေးမဖြစ်မနေထိုးဖို့အတွက် ကစားသမားတွေကို တွန်းအားပေးလာဖွယ်ရာရှိနေပါတယ်။ 

Share

က္က