၁။ စိတ်ကူးထဲက ဓာတ်ပုံ vs လက်တွေ့ပုံ

စိတ်ကူးထဲမှာတော့ ရေတံခွန်ရှေ့မှာ ဒါမှမဟုတ် တောင်ပေါ်မှာ လေတိုက်လို့ ဆံပင်လေးတဝဲဝဲနဲ့ Cinematic ဆန်ဆန် ပုံလေးတစ်ပုံရဖို့ "ကိုယ့်" ဘက်က ကြိုတင်ပြင်ဆင်ခဲ့တာပေါ့။ အဖြူရောင် ဂါဝန်လေးနဲ့ဖြစ်ဖြစ်၊ ခန့်ညားတဲ့ ဝတ်စုံလေးနဲ့ဖြစ်ဖြစ် ကျော့ကျော့မော့မော့လေး နေမယ်လို့ တွေးထားခဲ့ပေမဲ့...

လက်တွေ့မှာတော့ ရေတံခွန်က ရေမှုန်တွေကြောင့် မျက်မှန်က ရေငွေ့တွေရိုက်၊ လေတိုက်လို့ မျက်နှာမှာ ဆံပင်တွေကပ်ပြီး ပုံပျက်ပန်းပျက်တွေ ဖြစ်ကုန်တာမျိုးပါ။ နောက်က လူတွေကလည်း အုံခဲနေလို့ လူမပါတဲ့ပုံ တစ်ပုံရဖို့ကို အတော်လေး ကြိုးစားလိုက်ရတာမျိုးပေါ့။ ဓာတ်ပုံထဲမှာတော့ ပြုံးနေပေမဲ့ အပြင်မှာတော့ ချွေးတလုံးလုံးနဲ့ ဖုန်းထဲက ပုံကိုကြည့်ပြီး "ဒါ ငါမှဟုတ်ရဲ့လား" လို့ ပြန်မေးရတဲ့အထိပါပဲ။

၂။ ပေါ့ပေါ့ပါးပါး ခရီးဆောင်အိတ် vs လက်တွေ့ခရီးဆောင်အိတ်

စိတ်ကူးထဲမှာတော့ အင်္ကျီ (၂) စုံလောက်နဲ့ Backpack တစ်လုံးလွယ်ပြီး ပေါ့ပေါ့ပါးပါးလေး သွားမယ်လို့ ခိုင်ခိုင်မာမာ ဆုံးဖြတ်ခဲ့တာပါ။ "Minimalist ခရီးသွားတစ်ယောက် ဖြစ်ရမယ်" ဆိုတဲ့ စိတ်ကူးက အိတ်ထဲပစ္စည်းထည့်တဲ့အချိန်မှာတော့ ပျောက်ကွယ်သွားပါလေရော။

"ဒီအင်္ကျီလေးက ညဘက်ထွက်ရင် လိုနိုင်တယ်၊ ဒီဖိနပ်လေးက ဓာတ်ပုံရိုက်ရင် ပါမှဖြစ်မယ်၊ ဆေးဝါးလေးတွေလည်း ပါဦးမှ" နဲ့ နောက်ဆုံးမှာတော့ ခရီးဆောင်အိတ်က မနိုင်မနင်းနဲ့ ဗိုက်ဖောင်းထွက်လာပါတော့တယ်။ လေဆိပ်ရောက်လို့ ဝိတ်ချိန်တဲ့အခါမှာလည်း ရင်တထိတ်ထိတ်နဲ့ ကျော်သွားမလား ပူရတာ၊ အိတ်ကို တွန်းလှည်းပေါ်တင်ပြီး မောနေရတာကလည်း "ကိုယ့်" ခရီးစဉ်ရဲ့ မပါမဖြစ် အစိတ်အပိုင်းတစ်ခုလိုပါပဲ။ ဒါပေမဲ့ အဲ့ဒီလို အစုံအလင် ပါသွားလို့လည်း ခရီးမှာ လိုလေသေးမရှိ အဆင်ပြေခဲ့ရတာ မဟုတ်လား။

၃။ စိတ်ကူးထဲက လမ်းကြောင်း vs လမ်းမှားခြင်း

အတွေးထဲမှာတော့ Map ကို သေချာကြည့်၊ တစ်နေရာပြီး တစ်နေရာ အချိန်တိတိကျကျနဲ့ "Navigation" ကောင်းကောင်း သွားမယ်လို့ စီစဉ်ထားခဲ့တာပါ။ ရထားချိန်၊ ကားချိန်တွေကို စက္ကန့်မလပ် တွက်ချက်ထားပေမဲ့ လက်တွေ့မှာတော့ လမ်းမှားသွားလို့ ဂိတ်ဆုံးအထိ ရောက်သွားတာမျိုး၊ ဘယ်မှန်းမသိတဲ့ လမ်းကြားလေးတွေထဲ ပိတ်မိသွားတာမျိုး ကြုံရတတ်ပါတယ်။

ဒါပေမဲ့ အဲ့ဒီလို လမ်းမှားသွားလို့ပဲ "ကိုယ့်" အတွက် ကံကောင်းခြင်းတွေ ကြုံရတတ်ပါတယ်။ လမ်းမှားလို့ ရောက်သွားတဲ့ နေရာလေးက လူမသိသေးတဲ့ ကဖေးဆိုင်လှလှလေး ဖြစ်နေတာမျိုး၊ လမ်းမေးရင်းကနေ ဒေသခံတွေနဲ့ ရင်းရင်းနှီးနှီး စကားပြောဖြစ်သွားတာမျိုးတွေက ခရီးစဉ်ကို ပိုပြီး ထူးခြားသွားစေပါတယ်။ အစီအစဉ်ထဲမပါတဲ့ အလှတရားတွေကို မထင်မှတ်ဘဲ ရှာဖွေတွေ့ရှိတာဟာ ခရီးသွားခြင်းရဲ့ အစစ်မှန်ဆုံး အနှစ်သာရပါပဲ။

၄။ Local အစားအသောက် အတွေ့အကြုံ vs လက်တွေ့အရသာ

စိတ်ကူးထဲမှာတော့ ဒေသထွက် အစားအသောက်တွေကို Food Blogger တွေလို အရသာခံစားပြီး စားမယ်လို့ တွေးထားတာပါ။ ပုံထဲမှာ အရမ်းလှနေတဲ့ စားစရာတွေကို မြင်ပြီး "သွားရင်တော့ အကုန်မြည်းစမ်းပစ်မယ်" လို့ စိတ်ကူးယဉ်ခဲ့ပေမဲ့...

လက်တွေ့မှာတော့ တချို့အစားအသောက်တွေက "ကိုယ့်" လျှာနဲ့ လုံးဝမကိုက်ညီတာမျိုး၊ အစပ်တွေလွန်နေတာမျိုး ဒါမှမဟုတ် နာမည်ကြီးဆိုင်မှာ တန်းစီရလွန်းလို့ ဗိုက်ဟောင်းလောင်းနဲ့ စောင့်နေရတာမျိုးတွေ ဖြစ်တတ်ပါတယ်။ ဒါပေမဲ့ အဲ့ဒီလို အရသာအသစ်တွေကို စမ်းသပ်ရင်း သူငယ်ချင်းတွေနဲ့ "ဒါကြီးက ဘယ်လိုအရသာကြီးလဲ" လို့ ဝေဖန်ရတာကလည်း ခရီးသွားရင်း ရလာတဲ့ ပျော်စရာ စကားဝိုင်းလေးတွေပါပဲ။

၅။ အနားယူမဲ့ အားလပ်ရက် vs မထင်မှတ်တဲ့ အလုပ်ကိစ္စ

စိတ်ကူးထဲမှာတော့ ဖုန်းကို ဘေးချိတ်၊ အလုပ်တွေနဲ့ ဝေးရာမှာ စိတ်အေးလက်အေး အနားယူမယ်လို့ ကြံစည်ထားတာပါ။ပင်လယ်ပြင်ကြီးကို ကြည့်ပြီး Meditation လုပ်မယ်၊ စာအုပ်ဖတ်မယ်လို့ တွေးထားပေမဲ့...လက်တွေ့မှာတော့ ခရီးသွားနေတုန်းမှာမှ အရေးကြီးတဲ့ ဖုန်းတွေဝင်လာတာမျိုး၊ "ကိုယ့်" ဆီက အချက်အလက်တစ်ခုခု လိုချင်လို့ အလုပ်က လှမ်းမေးတာမျိုးတွေ ကြုံရတတ်ပါတယ်။ ဒါပေမဲ့ ပတ်ဝန်းကျင်အသစ်မှာ အလုပ်ကိစ္စလေးတွေ ဖြေရှင်းရတာကလည်း တစ်ခါတလေမှာ Idea အသစ်တွေ ပိုထွက်စေတတ်ပါတယ်။ အဓိကကတော့ အလုပ်နဲ့ အနားယူခြင်းကို မျှတအောင် စီမံခန့်ခွဲတတ်ဖို့ပါပဲ။

အလွဲတွေကြားမှာ "ကိုယ့်" ကို အဆင်ပြေစေမဲ့ Flymya

ခရီးသွားရင် ဘယ်လောက်ပဲ အလွဲတွေရှိပါစေ၊ အခြေခံလိုအပ်ချက်တွေဖြစ်တဲ့ သွားလာရေးနဲ့ တည်းခိုရေးကတော့ စိတ်ချရဖို့ လိုပါတယ်။ "ကိုယ့်" ရဲ့ စိတ်ကူးတွေနဲ့ လက်တွေ့ကြားမှာ ပေါင်းကူးတံတားတစ်ခုအဖြစ် Flymya က အမြဲရှိနေပေးမှာပါ။လေယာဉ်လက်မှတ်နဲ့ ဟိုတယ်ကို Flymya မှာ ကြိုတင်စီစဉ်ထားခြင်းက "ကိုယ့်" ရဲ့ အလွဲတွေကို ပျော်စရာအမှတ်တရအဖြစ် ပြောင်းလဲဖို့ အချိန်ပိုပေးနိုင်မှာပါ။ ခရီးမှာ လမ်းမှားရင် မှားပါစေ၊ ဒါပေမဲ့ နားခိုမဲ့နေရာနဲ့ ပြန်မဲ့လက်မှတ်ကတော့ အဆင်သင့်ရှိနေဖို့ လိုတယ်မဟုတ်လား။

တကယ်လို့ တစ်ခုခု အခက်အခဲရှိလာခဲ့ရင်လည်း (၂၄) နာရီလုံး အသင့်ရှိနေတဲ့ Customer Service ကို အလွယ်တကူ ဆက်သွယ်နိုင်လို့ ခရီးစဉ်တစ်ခုလုံးမှာ "ကိုယ့်" ဘေးမှာ အမြဲရှိနေသလို ခံစားရစေမှာပါ။ ဘဝက စုံလင်လှပဖို့အတွက် အမှားအယွင်းလေးတွေလည်း လိုအပ်ပါတယ်။ အဲ့ဒီအမှတ်တရတွေကို Flymya နဲ့အတူ ယုံကြည်စိတ်ချစွာ ဖန်တီးလိုက်ရအောင်။

ယခု ခရီးသွားဆောင်းပါးကို Duwun နှင့် Flymya မှ ပူးပေါင်းတင်ဆက်ပါသည်။