ပိုပို တစ်ယောက် အလှူအတန်းတွေလုပ်ရမယ်ဆို အမြဲတမ်း တက်ကြွနေတတ်သူပါ။ အခုလည်း ကိုယ်တိုင်အလှူလုပ်ရတာ အားမရလို့ နောက်ထပ် အလှူရှင်တွေ ရဖို့ နိဗ္ဗာန်ဆော် တောင် လုပ်ခဲ့ပါသေးတယ်တဲ့။

အဆိုတော်မလေး ပိုပိုက အလှူအတန်းနဲ့ ပတ်သက်လာရင် လက်မနှေးတဲ့သူ တစ်ယောက်ဖြစ်ပါတယ်။ အခုလည်း ရန်ကုန်တိုင်းဒေသကြီး၊ မှော်ဘီမြို့နယ်၊ ဘိုးဒေါနကုန်းကျေးရွာမှာရှိတဲ့ မဟာဝိဟာရ ကျောင်းတိုက်မှာ အလှူအတန်းတွေ လုပ်ခဲ့တယ်လို့ သိရပါတယ်။

‘’မဟာဝိဟာရ ဓမ္မဝိနယ ပင်မသုံးထပ် စာသင်ဆောင် အတွက် အလှူငွေ ၆ သိန်းတိတိ လှူခဲ့ပါတယ် .ကိုရေမွန် ဆီက အလှူငွေ ၁သိန်း အလှူခံရင်း နိဗ္ဗာန်ဆော်လုပ် ခဲ့ပါသည်။ Thank you bro’’ ဆိုပြီးတော့ ဇန်နဝါရီလ ၂၀ ရက်နေ့ နေ့လည် ၁၂ နာရီ မိနစ် ၂၀ က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

အဲဒီနောက် ပိုပိုက ဝတ္ထုငွေသာမက အာဟာရ ဒါနအလှူအဖြစ် သံဃာတော် အပါး ၁၁၀၀ စာအတွက် ဖရဲသီး အလုံး ၅၀ ကို အလှူပြုလုပ်ခဲ့ပါတယ်။

‘’ဖရဲသီး အလုံး ၅၀ သံဃာတော် ၁၁၀၀ စာလှူဒါန်းခဲ့ပါသည်။ လှိုင်းဘွဲ့မြို့မှ ပရိတ်သတ်များနှင့်တကွ ၇ ရက်သားသမီးအလှူပါ သာဓု အနုမောဒနာခေါ်ဆိုကြပါကုန်’’ ဆိုပြီးတော့လည်း ဆက်လက် ရေးသားထားတာ တွေ့ရပါတယ်။

Photo: Po Po

ပိုပိုဟာ လက်ရှိမှာ ဂီတဖျော်ဖြေရေး ခရီးစဉ်တွေ ဆက်တိုက် သွားနေရတာဖြစ်ပါတယ်။ သူမ ရဲ့ သီချင်းတွေကလည်း ပရိသတ်အားပေးမှု အခိုင်အမာ ရရှိထားတဲ့ သီချင်းတွေ ဖြစ်ပါတယ်။ လတ်တလော အောင်မြင်မှုရနေတဲ့ သီချင်းကတော့ ‘’မင်းကို မချစ်လို့ မဟုတ်ဘူး’’ ဆိုတဲ့ သီချင်းပါ။ ဒီသီချင်းက လူငယ်ပရိသတ်တွေရဲ့ ခံစားချက်နဲ့ ထပ်တူကျခဲ့တဲ့ တစ်ချင်းတစ်ပုဒ်ဆိုရင်လည်း မမှားပါဘူး။

Photo: Po Po

ပိုပိုရဲ့ နောက်ဆုံးထွက်ရှိခဲ့တဲ့ Master Piece တစ်ကိုယ်တော် MTV အခွေလေးကို စက်တင်ဘာလ ၉ ရက်နေ့က The Sun Music Production ကနေ ထုတ်လုပ်ဖြန့်ချီခဲ့တာဖြစ်ပါတယ်။ ဒီ MTV မှာ အောင်ရဲလင်းက ပါဝင်သရုပ်ဆောင်ထားတာဖြစ်ပြီး အမိုက်စားတင်ဆက်မှုတွေနဲ့ ရိုက်ကူးထားတာဖြစ်တဲ့အတွက် ပရိသတ်အားပေးမှုအများကြီး ရရှိခဲ့တာဖြစ်ပါတယ်။