ယူနိုက်တက်အတွက်ကတော့ ဒီရာသီမှာ ပထမဆုံးအကြိမ်အဖြစ် ပြိုင်ပွဲစုံနှစ်ပွဲဆက် အနိုင်ရလဒ်ကို ဖော်ဆောင်နိုင်ခဲ့တာပါ။ ဒါ့အပြင် ဒီရာသီမှာ ခြေစွမ်းပြဖို့ ရုန်းကန်နေရတဲ့ ကစားသမားတွေ ဒီပွဲမှာ ဂိုးပေါက်တွေ့ခဲ့တာကလည်း နည်းပြ တန်ဟက်ခ်နဲ့ ယူနိုက်တက်ပရိသတ်တွေအတွက် ကျေနပ်စရာဖြစ်ခဲ့ပါတယ်။

ဒီပွဲမှာ တန်ဟက်ခ်က အိုနာနာ၊ ဒါလော့၊ ဗာရန်း၊ မက်ဂွိုင်းရား၊ အမ်မရာဘတ်၊ ကက်စ်မဲရိုး၊ မေဆင်မောင့်၊ ပယ်လီစထရီ၊ ဟန်နီဘယ်လ်၊ ဂါနာချို၊ မာရှယ်လ်တို့နဲ့ ပွဲထွက်ခဲ့ပါတယ်။ ဒီပွဲမှာ ပထမဆုံး ပွဲထွက်ကစားခဲ့တဲ့ အမ်မရာဘတ် ယူနိုက်တက်ပရိသတ်တွေအတွက် ကျေနပ်စရာ ခြေစွမ်းမျိုးကို ပြသနိုင်ခဲ့ပါတယ်။

ဗန်ဒီဘိခ်ကတော့ ဒဏ်ရာပြဿနာကြောင့် ယူနိုက်တက်နဲ့ ပြိုင်ပွဲကြီးတွေမှာ မကစားနိုင်ခဲ့တာ အချိန်တစ်ခုရှိခဲ့ပြီး အခုချိန်မှာတော့ ပြန်လည်ကစားပေးနိုင်ခဲ့တာပါ။ ဒါပေမယ့် တန်ဟက်ခ်နဲ့ ပြဿနာတက်ထားတဲ့ ဆန်ချိုကတော့ လက်ရှိအချိန်အထိ ယူနိုက်တက်အသင်းကြီးအတွက် ပြန်လည်ကစားခွင့်မရရှိသေးပါဘူး။