အရှေ့အလယ်ပိုင်းဒေသမှာ ပထမဆုံးအကြိမ်ကျင်းပတဲ့ ဒီကမ္ဘာ့ဖလားပြိုင်ပွဲမှာ ကာတာရဲ့ စည်းကမ်းသတ်မှတ်ချက်တွေ တင်းကျပ်မှုကြောင့် ပရိသတ်တွေ မျှော်လင့်ထားတာထက် ပိုမိုနည်းပါးစွာ ရောက်ရှိလာမယ့်အပေါ် ပြိုင်ပွဲတာဝန်ရှိသူတွေက စိုးရိမ်နေကြပါတယ်။ ဒါ့အပြင် လူ့အခွင့်အရေးချိုးဖောက်ခံရမှုတွေ၊ လာဘ်စားမှုအရှုပ်တော်ပုံတွေကြောင့်လည်း ပြိုင်ပွဲကို သပိတ်မှောက်သူတွေလည်း ရှိနေခဲ့ပါတယ်။ 

ကမ္ဘာ့ဖလားပြိုင်ပွဲမစတင်ခင် နိုဝင်ဘာလ ၂၀ ရက်နေ့မှာ ပရိသတ်တွေက ဒိုဟာမြို့အတွင်းမှာ လှည့်လည်သွားလာဖို့စီစဉ်ထားကြပြီး အင်္ဂလန်၊ ဘရာဇီးလ်၊ အာဂျင်တီးနားနဲ့ အခြားနိုင်ငံအသင်း ပရိသတ်တွေပါဝင်ကာ အောင်ပွဲခံမှုတွေပါ လုပ်သွားမယ်လို့ သိရပါတယ်။ လက်ရှိမှာလည်း ကာတာကို ပရိသတ်တ​ွေရောက်ရှိလာတဲ့ပုံရိပ်တွေကို ကာတာရုပ်သံလိုင်းတွေက ထုတ်လွှင့်ပြသနေပြီး ဒီအပေါ်မှာ ဝေဖန်မှုတွေရှိနေပါတယ်။