အရက်၊ဘီယာတွေမှာ အယ်လ်ကိုဟောပါဝင်မှုအခြေအနေ

အရက်ကို များသောအားဖြင့်  ဘီယာ၊ဝိုင် နဲ့အရက်ပြင်းအုပ်စုဆိုပြီး ခွဲခြားထားတာရှိပါတယ်။ ဘီယာမှာဆိုရင် အရက်ပါဝင်မှုပမာဏ ၃ ရာခိုင်နှုန်းက ၇ ရာခိုင်နှုန်းပါဝင်တယ်။ ဝိုင်ထဲမှာတော့ ၉ ရာခိုင်နှုန်းကနေ ၁၅ ရာခိုင်နှုန်းပါဝင်ပြီး အရက်ပြင်း တွေဖြစ်တဲ့ ဝီစကီနဲ့ ရမ်တွေမှာ ၃၅ ရာခိုင်နှုန်းက ၄၅ ရာခိုင်နှုန်းထိပါဝင်တယ်။ အရက်မျိုးမျိုးမှာ အယ်လ်ကိုဟောပါဝင်မှုပမာဏ အမျိုးမျိုးဖြစ်နေတဲ့အတွက်ကြောင့် ပုံသေဖြစ်အောင်ဆိုပြီးတော့ ၁၀ ဂရမ် အယ်လ်ကိုဟောကို ၁ ယူနစ် လို့သတ်မှတ်ပါတယ်။

Photo : Freepik

ဘေးထွက်ဆိုးကျိုးမဖြစ်အောင် ဘယ်လိုသောက်ကြမလဲ။

အရက်သောက်ခြင်းက စိတ်ဖိစီးမှုလျော့ကျနိုင်

လူ့ခန္ဓာကိုယ်ထဲကို အယ်လ်ကိုဟော ၃ ယူနစ်ခန့် ဝင်သွားတဲ့အခါမှာ ဒီလိုကောင်းကျိုးတွေ ရစေနိုင်ပါတယ်။

• စိတ်ဖိစီးမှုလျော့ကျစေတယ်။
• ပျော်ရွှင်စေတယ်။
• လူမှုဆက်ဆံရေးကောင်းလာတယ်။
• လုပ်ဖော်ကိုင်ဖက်၊ မိတ်ဆွေအချင်းချင်းရင်းနှီးလာတယ်။
• စကားပြောကောင်းလာတယ်။

Photo : Freepik

သတ်မှတ်ပမာဏထက်ကျော်သွားရင် ဘာဖြစ်မလဲ

သတ်မှတ်ထားတဲ့ ၂ယူနစ်၊ ၃ ယူနစ်ထက် ပိုမိုသောက်သုံးမိရင်တော့

• လျှာလေးအာလေးဖြစ်လာမယ်။
• ခိုက်ရန်ဖြစ်ပွားမှုတွေများလာမယ်။
• အရှက်နဲ့ ဂုဏ်သိက္ခာထိခိုက်မှုတွေ ဖြစ်လာမယ်။ ဒါကြောင့် သင့်စိတ်ကို ပျော်ရွှင်ချင်ရင်တော့ ၂ ယူနစ် ၊ ၃ ယူနစ်လောက်နဲ့ပဲ ရပ်ထားသင့်ပါတယ်။

 “  ကိုယ်က စိတ်ပျော်ရွှင်ဖို့ ၊ စိတ်ဖိစီးမှုကင်းဝင်စေဖို့ဆိုရင်တော့ သတ်မှတ်ထားတဲ့ဘောင်အတွင်းမှာပဲ သောက်သုံးပါ။ ပိုတိုးသောက်မယ်ဆိုရင်တော့ ကျန်းမာရေးအတွက် ဆိုးကျိုးတွေ ရှိစေနိုင်တာကို သတိပြုရမှာပါ” 

ဖော်ပြပါသတင်းဆောင်းပါးပါအချက်အလက်များသည် Duwun Community Voice အစီအစဉ်မှ အထွေထွေအထူးကုသမားတော်ကြီး ဒေါက်တာမိုးအောင်ကျော်နိုင်ရဲ့ တင်ပြချက်များမှ ကောက်နုတ်ဖော်ပြထားခြင်းဖြစ်ပါသည်။