ဂန္ထဝင်နည်းပြဟောင်းကြီးနဲ့ ပေါ်တူဂီကြယ်ပွင့်တို့ အင်တာဗျူးထားတဲ့ ဗီဒီယိုဖိုင်ကို လူမှုကွန်ယက်ကတဆင့် ကနဦးပြသခဲ့ရာမှာ ပရိသတ်တွေကြား လူကြိုက်များခဲ့ပြီး ဆရာတပည့်နှစ်ဦးကို အတူတူပြန်မြင်ခဲ့ရလို့ ကျေနပ်ခဲ့ကြပါတယ်။
ယူနိုက်တက်တိုက်စစ်မှူးရော်နယ်ဒိုနဲ့ ယူနိုက်တက်နည်းပြဟောင်းကြီးဆာအဲလက်စ်ဖာဂူဆန်ကတော့ တဖန်ပြန်လည်ဆုံဆည်းခဲ့ကြပြန်ပြီဖြစ်ပါတယ်။ ယူနိုက်တက်အသင်းဟာ သူတို့ရဲ့ဂန္ထဝင်နည်းပြဟောင်းကြီးနဲ့ ပေါ်တူဂီကြယ်ပွင့်တို့ အင်တာဗျူးထားတဲ့ ဗီဒီယိုဖိုင်ကို လူမှုကွန်ယက်ကတဆင့် ကနဦးပြသခဲ့ရာမှာ ပရိသတ်တွေကြား လူကြိုက်များခဲ့ပြီး ဆရာတပည့်နှစ်ဦးကို အတူတူပြန်မြင်ခဲ့ရလို့ ကျေနပ်ခဲ့ကြပါတယ်။
ဒီလိုပြောဆိုခဲ့ရာမှာ ဖာဂူဆန်က ရော်နယ်ဒိုကို ကလပ်နဲ့နှောင်ဖွဲ့ဖို့ အရေးကြိးကြောင်း ပြောဆိုခဲ့ပြီး "မင်းဂရုစိုက်တယ်ဆိုတာကို လူတွေအသိအမှတ်ပြုဖို့က အရေးကြီးတယ်" လို့ ပြောဆိုခဲ့ပါတယ်။ ရော်နယ်ဒို ၁၈ နှစ်သားအရွယ်မှာ ဖာဂူဆန်က ယူနိုက်တက်ကို ခေါ်ယူခဲ့တာဖြစ်ပြီး သူတို့နှစ်ဦးကြားမှာ သားအဖလိုဆက်ဆံရေးမျိုးရှိခဲ့ပါတယ်။ ၂၀၀၅ ခုနှစ်မှာ ရော်နယ်ဒိုရဲ့ ဖခင်ဖြစ်သူ ကွယ်လွန်ခဲ့ပြီး အဆိုပါအချိန်က သူ့အတွက် အရမ်းခက်ခဲတဲ့အချိန်တွေဖြစ်ခဲ့တယ်ဆိုတာကို ရော်နယ်ဒိုက အခုလို ပြောခဲ့ပါတယ်။
"ကျွန်တော့်အတွက် ဒါတွေက အရေးအပါဆုံး အရာတွေပဲ။ ကျွန်တော်အမြဲပြောသလိုပါပဲ။ သူက ဘောလုံးမှာ ကျွန်တော့်အတွက် အဖေတယောက်လိုပါပဲ" လို့ ပြောခဲ့ပါတယ်။ ဖာဂူဆန်ကတော့ ရော်နယ်ဒိုပြောဆိုနေတာကို ပြုံးပြုံးကြီးထိုင်ကြည့်နေခဲ့ပြီး အဆိုပါမြင်ကွင်းက ပရိသတ်တွေကြားမှာ ရေပန်းစားနေပါတယ်။ ဖာဂူဆန်ကလည်း "သူ ကျွန်တော့်ကို ပြောတဲ့အရာမှန်သမျှ သူ လုပ်ပြခဲ့တယ်။ အဲ့ဒါ မလွယ်တဲ့ကိစ္စဗျ၊ တခါတလေမှာ တချို့အရာတွေက ဘောလုံးအသင်းတသင်းထက် ကြီးကျယ်ခမ်းနားတယ်ဆိုတာကို မင်း နားလည်ရမယ်" လို့ ပြန်လည်ပြောဆိုခဲ့ပါတယ်။