မုန်းစွဲရုပ်ရှင်ဇာတ်ကားထဲမှာ အတူတူရိုက်ကူးထားပါတယ်။

ကွယ်လွန်သွားပြီဖြစ်တဲ့ သရုပ်ဆောင်မင်းသွေးအတွက် ဖွေးဖွေးကလည်း စိတ်မကောင်းဖြစ်လို့နေပါတယ်။ သူတို့နှစ်ယောက် ပါဝင် သရုပ်ဆောင်ထားတဲ့ မုန်းစွဲ ရုပ်ရှင်ဇာတ်ကားကလည်း ပရိသတ်အရှေ့ ရောက်လာတော့မှာပါ။



Photo: ဖွေးဖွေးဖေ့စ်ဘွတ်

 

ရုတ်တရက် ကွယ်လွန်သွားပြီဖြစ်တဲ့ သရုပ်ဆောင် မင်းသွေးအတွက် သရုပ်ဆောင်မင်းသမီး ဖွေးဖွေးက စိတ်မကောင်းဖြစ်လို့ နေပါတယ်။ အနုပညာအလုပ်တွေ အတူတူလုပ်ခဲ့ကြတဲ့ မောင်နှမ တစ်ဦးအနေနဲ့ မင်းသွေးအတွက် ဖွေးဖွေးရဲ့ ခံစားချက်တွေကို အခုလို ပြောပြထားတာ တွေ့ရပါတယ်။

'' ကိုမင်းသွေး အတွက် စိတ်မကောင်းဖြစ်ရပါတယ်။  ကောင်းရာမွန်ရာ ရောက်ပါစေ အကိုရေ။ စိတ်ထား အရမ်းကောင်းတဲ့မိသားစု အစ်ကို တို့မိသားစု နဲ့ထပ်တူ ဝမ်းနည်းပါတယ်'' ဆိုပြီးတော့ အောက်တိုဘာလ ၄ ရက်နေ့ မနက် ၁၀ နာရီ ကျော်က သူ့ရဲ့ ဖေ့စ်ဘွတ်စာမျက်နှာ မှာ ရေးသားခဲ့တာဖြစ်ပါတယ်။

Photo: ဖေ့စ်ဘွတ်

မင်းသွေးသတင်းကြောင့် ဝမ်းနည်းကြေကွဲနေကြတဲ့ အနုပညာမောင်နှမများ 

မင်းသွေးဟာ အောက်တိုဘာလ ၃ ရက်နေ့ ည ၁၁ နာရီ မိနစ် ၂၀ အချိန်က ကွယ်လွန်သွားခဲ့တာပါ။ သူ့အတွက် စိတ်မကောင်းဖြစ်နေ ကြတဲ့ မိသားစုဝင်တွေ၊ အနုပညာရှင်တွေ နဲ့ ပရိသတ်တွေက အများကြီးရှိပါတယ်။ မင်းသွေးဟာ မကြာသေးခင်က စင်ကာပူနိုင်ငံကို အလည်အပတ် သွားရောက်ခဲ့ရာမှ အောက်တိုဘာလ ၃ ရက်နေ့ မနက်မှာ ပြန်လည်ရောက်ရှိလာတာဖြစ်ပါတယ်။

Photo:မုန်းစွဲဖေ့စ်ဘွတ်

 

မင်းသွေးနဲ့ ဖွေးဖွေးတို့ဟာ ဗီဒီယိုဇာတ်ကား၊ ရုပ်ရှင်ဇာတ်ကား တော်တော်များများမှာ အတူတွဲသရုပ်ဆောင်ခဲ့ကြပါတယ်။ မကြာခင် ရုံတင် ပြသ တော့မယ့် ဒါရိုက်တာ သြရသ ရိုက်ကူးထားတဲ့  '' မုန်းစွဲ'' ရုပ်ရှင်ဇာတ်ကားကြီးမှာလည်း အတူတွဲ သရုပ်ဆောင်ထားကြပါတယ်။ လက်ရှိ မှာ လည်း ဖွေးဖွေးက ရုပ်ရှင်ဇာတ်ကားကြီးတွေ ဆက်တိုက် ရိုက်ကူးနေရတာဖြစ်ပါတယ်။

Photo:မုန်းစွဲဖေ့စ်ဘွတ်

 

မင်းသွေး ပါဝင်သရုပ်ဆောင်ထားတဲ့ သတ်ကွင်း ရုပ်ရှင် ဇာတ်ကားကြီးကို 2018 ခုနှစ်အတွင်းမှာ ရုံတင်ပြသသွားမှာ ဖြစ်ပါတယ်။ အဲ့ဒီနောက် မုန်းစွဲ ရုပ်ရှင်ဇာတ်ကားကလည်း ပရိသတ်အရှေ့ ရောက်လာတော့မှာဖြစ်ပါတယ်။ မင်းသွေးဟာ သူ့ရဲ့ ပထမဆုံး တစ်ကိုယ်တော် တေးစီးရီး ဖြစ်တဲ့ ''ထိုးစစ်'' MTV ကိုလည်း မကြာခင် ထွက်ရှိနိုင်ဖို့ ပြင်ဆင်ထားခဲ့ပါသေးတယ်။


ဆက်စပ်အကြောင်းအရာများ

Share

က္က