Photo: Channel News Asia

"ပြီးခဲ့တဲ့ ၂ နှစ်က ကျွန်တော်တို့ရည်မှန်းထားတဲ့ မျှော်လင့်ချက်တွေထဲက တစ်ခုက Facebook လိုမျိုး အခမဲ့ ပလက်ဖောင်းကနေ ဘောလုံးပရိတ်သတ်သစ်တွေဆီ အရောက်ပို့ဆောင်ပေးနိုင်ဖို့ပါ။ အိန္ဒိယလိုမျိုး သုံးစွဲသူသန်း ၂၇၀ ရှိထားတဲ့ Facebook ဟာ ကျွန်တော်တို့အတွက် အခရာပါပဲ"  လို့လာလီဂါ ဒစ်ဂျစ်တယ်နည်းဗျူဟာအကြီးအကဲ ဖြစ်သူ အဲလ်ဖရက်ဒို ဘာမီဟိုက ဆိုပါတယ်။

Facebook ဟာ လာလီဂါနဲ့ဘောလုံးပွဲစဉ်များ ထုတ်လွှင့်ပြသခွင့်အတွက် သဘောတူညီထားတဲ့ ငွေကြေးပမာဏကိုတော့ မကြေငြာခဲ့ပါဘူး။ ယခုသဘောတူညီချက်ဟာ အိန္ဒိယတိုက်ငယ်အတွင်း လာလီဂါပွဲစဉ်ပြသခွင့် ရထားခဲ့တဲ့ Sony Pictures Network ပေါ် လှုပ်ခတ်မှုရှိခဲ့ပါတယ်။ Sony ဟာ ၂၀၁၄ ကနေ ၂၀၁၈ အထိ လာလီဂါပွဲစဉ်များ ပြသခွင့်အတွက် ဒေါ်လာ ၃၂ သန်း ပေးထားခဲ့တာပါ။

ဒစ်ဂျစ်တယ်ပလက်ဖောင်းများပေါ်မှာ လူငယ်ဘောလုံးပရိတ်သတ်အားပေးမှု များလာတဲ့ အားကစားပွဲများ ထုတ်လွှင့်ပြသခွင့်အတွက် နည်းပညာကုမ္ပဏီများဟာ အပြိုင်အဆိုင် ကြိုးပမ်းလာကြပါတယ်။ဒီနှစ်ဆန်းပိုင်းကပဲ Amazon ဟာ ၂၀၁၉ ဘောလုံးရာသီအတွက် ဗြိတိန်မှာ ပရီးမီးယားလိဂ်ပွဲပေါင်း ၂၀ ပြသခွင့် လေလံရထားခဲ့ပါတယ်။

Photo: Deccan Chronicle

Facebook ကတော့ အာရှဒေသတွင်း နိုင်ငံများမှာ ပရီးမီးယားလိဂ် ပွဲစဉ်များ ပြသခွင့် ၃ နှစ်အတွက် ပေါင်သန်း ၂၀၀ ကျော်နဲ့ဝယ်ယူထားတယ်လို့ဆိုပါတယ်။ Facebook ဟာ မေဂျာလိဂ်နဲ့လာလီဂါပွဲစဉ်များအတွက်ပါ တိုက်ရိုက် တင်ဆက်ခွင့်ရထားပြီး ပရီးမီးယားလိဂ်ကတော့ အကြီးဆုံးအားကစားစီးပွားရေးဖြစ်လာဖို့လည်း ရှိနေပါတယ်။