ဒီရာသီမှာ လမ်ဖွန်တို့ တန်းတက်ခဲ့ရာမှာ မောင်မောင်လွင်က အဓိကကျတဲ့ နေရာကနေ ပါဝင်ခဲ့ပြီး ပြီးခဲ့တဲ့ရာသီ ထိုင်းလိဂ်-၂ မှာ ၁၇ ပွဲကစားပြီး ၄ ဂိုးသွင်းကာ ၇ ကြိမ်ခြေစွမ်းပြခဲ့ပါတယ်။ မောင်မောင်လွင်က လမ်ဖွန်အတွက် ထိုင်းလိဂ်-၁ မှာ တိုက်ရိုက်ကစားခဲ့ရတာမဟုတ်ဘဲ တန်းတက်နိုင်စေဖို့အတွက် အကောင်းဆုံးခြေစွမ်းနဲ့ ကူညီပေးခဲ့ပြီးမှ ထိုင်းလိဂ်-၁ကို တက်ကစားခဲ့ရတာလည်းဖြစ်ပါတယ်။ 

မှတ်တမ်းတွေအရ မောင်မောင်လွင်ဟာ အခွင့်အရေးဖန်တီးပေးမှု၊ ဂိုးဖန်တီးမှုတွေမှာ အသင်းအတွက် အများဆုံးပြုလုပ်ပေးထားတာကို တွေ့ရပါတယ်။ လက်ရှိမှာ လမ်ဖွန်အသင်းကို အောင်သူကလည်း ပြောင်းရွှေ့ကစားနေတာကြောင့် မြန်မာကစားသမားနှစ်ဦးက အသင်းဖော်တွေအဖြစ် ပြန်လည်တွေ့ဆုံနေပြီး ဒါဟာ သူတို့ခြေစွမ်းကို ပိုမိုကောင်းမွန်လာစေဖို့ အထောက်အကူပြုမယ်လို့ မျှော်လင့်ရပါတယ်။ 

ထိုင်းလိဂ်ဖလားပွဲမှာတော့ လမ်ဖွန်က ကွာတားဖိုင်နယ်အဆင့်ကို ရောက်ရှိနေပြီး Prachuap အသင်းနဲ့တွေ့ဆုံမှာဖြစ်ပြီး အဆိုပါပြိုင်ပွဲကနေ ဆုဖလားတလုံးမျှော်လင့်နိုင်တဲ့ အနေအထားတော့ရှိပါသေးတယ်။ အဆိုပါပြိုင်ပွဲမှာတော့ အသင်းကြီးတွေအဖြစ် BG Pathum၊ ဘူရီယမ်နဲ့ ဘန်ကောက်ယူနိုက်တက်တို့ ရှိနေသေးလို့ ခက်ခဲမှုတွေတော့ ရှိဦးမှာပါ။