ချဲလ်ဆီးကွင်းလယ်ကြယ်ပွင့် အန်ဂိုလို ကန်တေက လူမှုကွန်ရက်ပေါ်မှာ မျှဝေခဲ့တဲ့ လေ့ကျင့်ရေးက ဗီဒီယိုဖိုင်ထဲမှာ ပရိသတ်တွေကို အံ့အားသင့်စေမယ့် စွမ်းဆောင်ရည်တွေကို ပြသခဲ့ပါတယ်။
ပြင်သစ်ကွင်းလယ်ကစားသမားဟာ နောက်ခံလူတွေကြားထဲမှာ အလွန်လျင်မြန်ပြီး ညင်သာတဲ့ လှုပ်ရှားမှုအချို့ နဲ့ အံ့အားသင့်ဖွယ် ဘောလုံးထိန်းသိမ်းနိုင်စွမ်းကို ပြသခဲ့ပြီးနောက် အသင်းဖော်ကို ဂိုးသွင်းနိုင်အောင် ဖန်တီးပေးခဲ့တာဖြစ်ပါတယ်။
ချဲလ်ဆီးပရိသတ်တွေဟာ တွစ်တာလူမှုကွန်ရက်ပေါ်မှာ ၎င်းတို့ရဲ့ ဝမ်းမြောက်ပျော်ရွှင်မှုကို ပြသခဲ့ကြပြီး အန်ဂိုလို ကန်တေနဲ့ အာဂျင်တီးနားဂန္တဝင် ဒီယေဂို မာရာဒိုနာရဲ့ စွမ်းဆောင်ရည်ကို နှိုင်းယှဉ်ပြီး ချီးကျူးခဲ့ကြတာဖြစ်ပါတယ်။
“ငါတို့ရဲ့ ကောင်ကြီးကတော့ ပြန်လာဖို့ အရမ်းနီးစပ်နေပြီဖြစ်ပြီး အသင်းကို နောက်ထပ်တစ်ကြိမ် ကြည့်လို့ကောင်းအောင် လုပ်ပေးတော့မယ်။ ငါတော့ မစောင့်နိုင်တော့ဘူး”လို့ ပရိသတ်တစ်ဦးက ပြောကြားခဲ့ပြီး နောက်ထပ်ပရိသတ်တစ်ဦးကလည်း “ကန်တေက ငါတို့တွေ အလိုအပ်ဆုံးအချိန်မှာ အီဒင် ဟာဇက်အကောင်းဆုံးအချိန်တုန်းပုံစံကို ပြသနေတယ်”လို့ မှတ်ချက်ပေးခဲ့ပါတယ်။