၁၁ မိနစ်အတွင်း ဟက်ထရစ်သွင်းယူနိုင်ခဲ့တာပါ။

ဆဲဘာ့ဂျ်နဲ့ပွဲမှာ ဟက်ထရစ်ရယူနိုင်ခဲ့မှုက လီဝန်ဒေါစကီးကို ချန်ပီယံလိဂ်သမိုင်းမှာ အမြန်ဆုံးဟက်ထရစ်ရရှိသူဖြစ်လာစေခဲ့ပါတယ်။ ပိုလန်တိုက်စစ်မှူးက ၁၁ မိနစ်အတွင်းမှာ ဟက်ထရစ်သွင်းယူခဲ့တာဖြစ်ပြီး ဘိုင်ယန်ကို သက်တောင့်သက်သာနဲ့ နိုင်ပွဲရရှိအောင် စွမ်းဆောင်ပေးနိုင်ခဲ့သလို ဒီပွဲမှာပဲ သူက များပြားလှတဲ့ စံချိန်မှတ်တမ်းတွေကိုပါ ရယူသွားခဲ့ပါတယ်။ 

အသက် ၃၃ နှစ်အရွယ်ရှိပြီဖြစ်တဲ့ လီဝန်ဒေါစကီးဟာ ဂတ်မူလာရဲ့ ဥရောပသွင်းဂိုးစံချိန်ကို ကျော်ဖြတ်နိုင်ခဲ့ပြီဖြစ်သလို ၇ ရာသီဆက်တိုက် ပြိုင်ပွဲစုံသွင်းဂိုး ၄၀ နဲ့ အထက် သွင်းယူနိုင်ခဲ့တဲ့မှတ်တမ်းကိုလည်း ရေးထိုးနိုင်ခဲ့ပါတယ်။ ဒီရာသီမှာ သူ့ရဲ့ချန်ပီယံလိဂ်သွင်းဂိုးက ၁၀ ဂိုးအထိရှိလာခဲ့ပြိဖြစ်ကာ ချန်ပီယံလိဂ်ဂိုးသွင်းဘုရင်ဆုကိုပါ ထပ်မံရယူနိုင်ဖို့အတွက် အခြေအနေကောင်ကိုလည်း ပိုင်ဆိုင်သွားခဲ့ပါတယ်။ 

အသက်ကြီးလာလေပိုပြိးခြေစွမ်းပြလာလေဖြစ်နေတဲ့ လီဝန်ဒေါစကီးက လက်ရှိကမ္ဘာ့အကောင်းဆုံးတိုက်စစ်မှူးက သူကလွဲပြီး ဘယ်သူမှမရှိဘူးဆိုတာကိုပါ သက်သေထပ်ပြနိုင်ခဲ့တာဖြစ်ပါတယ်။ မက်ဆီနဲ့ ရော်နယ်ဒိုတို့ အကျပိုင်းရောက်လာချိန်မှာ လီဝန်ဒေါစကီးက ကစားသမားဘ၀အက​ောင်းဆုံးခြေစွမ်းတွေကို ပြသနေတာဖြစ်ပြီး ကျန်ကစားသမားတွေထက် အပြတ်အသတ်ကို သာလွန်နေခဲ့တာဖြစ်ပါတယ်။ 

ဒီရာသီမှာ သူက ၃၅ ပွဲသာ ကစားပေးထားပြီး ၄၂ ဂိုးအထိ ရရှိထားလို့ တပွဲကို တဂိုးနှုန်းပုံမှန်ရယူနေတာလည်းဖြစ်ပါတယ်။ ဘိုင်ယန်ကတော့ ဆဲဘာ့ဂျ်ကို နှစ်ကျော့ပေါင်းရလဒ် ၈-၂ နဲ့ အနိုင်ယူပြီး ကွာတားဖိုင်နယ်အဆင့်ကို တက်ရောက်သွားခဲ့ကာ ချန်ပီယံလိဂ်ဖလားကို ရယူနိုင်ဖို့ ရေပန်းအစားဆုံးအသင်းဖြစ်နေတာက အကြောင်းမဲ့မဟုတ်ဘူးဆိုတာကိုလည်း ပြသနိုင်ခဲ့ပါတယ်။ 

Share

က္က