အေသင်ချိုဆွေက LGBT တွေအတွက် အားပေးစကားပြောလာပါတယ်။ ကိုယ့်ရဲ့ ဖြစ်တည်မှုကို ရဲရဲဝံ့ဝံ့ချပြနိုင်သူတွေ ဖြစ်တာကြောင့်လည်း လေးစားတယ်လို့ ဆိုပါတယ်။
Photo: အေသင်ချိုဆွေ
အဆိုတော် အေသင်ချိုဆွေက သူမကိုယ်တိုင် LGBT တွေကို အားပေးတဲ့အကြောင်း ပြောပြလာပါတယ်။ အားနည်းချက်တစ်ခုလို့ သတ်မှတ်ထားရင်လည်း အရှုံးနဲ့ ရင်ဆိုင်ရမယ်လို့ သူကဆိုပါတယ်။
‘’အားနည်းချက်တစ်ခုလို သတ်မှတ်ပြီး ဖုံးကွယ်နေရင် ရှင်သန်ရတာ ပင်ပန်း တယ်၊ နှစ်ခါရှုံးတယ်၊ လို့ မြင်မိပါတယ်။ ကျွန်မက LGBT ကိုအကြီးအကျယ် support တာပါနော်’’ ဆိုပြီးတော့ ဖေဖော်ဝါရီလ ည ၁၁ နာရီ ၅ မိနစ်ကသူ့ရဲ့ ဖေ့စ်ဘွတ်အကောင့် မှာရေးသားခဲ့ပါတယ်။
Photo: အေသင်ချိုဆွေ
အဲဒီနောက် LGBT တွေအတွက် အားပေးစကားကိုလည်း အေသင်ချိုဆွေက ဆက်လက်ပြောပြလာပါတယ်။ လူသားတစ်ယောက်ချင်းစီတိုင်းရဲ့ ဘဝကိုလည်း လေးစားတယ်လို့ဆိုပါတယ်။
‘’ကိုယ့်ရဲ့ ဖြစ်တည်မှုကို လွတ်လပ်စွာ၊ ရဲရဲဝံ့ဝံ့ ချပြပြီး လူသားတစ်ယောက် ပီသစွာဖြင့် အဓိပ္ပါယ်ရှိရှိ ရှင်သန်၊ ရုန်းကန်နေကြတဲ့ လူသားတစ်ယောက်ချင်းဆီကို တကယ်လေးစားတယ်၊ ကိုယ်ရဲ့ဖြစ်တည်မှုကို ဖော်ပြပါ၊ လက်ခံပါ’’ ဆိုပြီးတော့လည်း ဆက်လက်ရေးသားထားတာ တွေ့ရပါတယ်။
Photo: အေသင်ချိုဆွေ
အေသင်ချိုဆွေက အခုချိန်မှာ ချစ်ရတဲ့ သမီးလေး Ivy နဲ့အတူ Single Mother တစ်ယောက်အနေနဲ့ ဘဝကို ပျော်ပျော်ရွှင်ရွှင်ဖြတ်သန်းနေတာကို တွေ့ရပါတယ်။ Ivy လေးက အခုဆိုရင် အသက် ၁ နှစ်ကျော်အရွယ် ရောက်ရှိလို့နေပါပြီ။ လည်လွန်းတတ်လွန်းတဲ့ ကလေးလေး ဖြစ်တာကြောင့်လည်း ပရိသတ်တွေက အချစ်ပိုလို့နေပါတယ်။
Photo: အေသင်ချိုဆွေ
အနုပညာလောကထဲကို ၂၀၁၈ ခုနှစ်မှစပြီး ပြန်လည်ဝင်ရောက်လာတဲ့ အေသင်ချိုဆွေက ဇူလိုင်လ ၁၀ ရက်နေ့မှာ "အသည်းကွဲသီချင်း တွေမဆိုတော့ဘူး" ဆိုတဲ့ သီချင်းသစ်လေးကို ပရိသတ်လက်ထဲ အရောက်ပေးခဲ့ပါတယ်။ လက်ရှိမှာ ပရိသတ်တွေအတွက် အနုပညာအလုပ်တွေ ပိုပြီးလုပ်သွားဖို့ ပြင်ဆင်နေပါတယ်။ သီချင်းအသစ်တွေ လုပ်နေသလို မကြာခင်မှာလည်း အွန်လိုင်းကနေ သီချင်းတွေ ဖြန့်သွားဖို့လည်း ရှိတယ်လို့ သိရပါတယ်။