ကော်တင်ဟိုရဲ့ အေးဂျင့်ဖြစ်သူဂျော်ရတ်ချီယန်နဲ့ အဲဗာတန်အသင်းပိုင်ရှင်ဖာဟတ်ဒ်မိုရှီရီတို့ကလည်း ရင်းနှီးသူတွေဖြစ်လို့ ပိုမိုအဆင်ပြေဖွယ်ရှိနေကြောင်း ဆိုပါတယ်။ 

အဲဗာတန်အနေနဲ့ အငှားခေါ်ယူမယ်ဆိုပါက ကစားသမားရဲ့ လုပ်အားခ သုံးပုံတစ်ပုံကို ဘာစီလိုနာကဘက်က စိုက်ထုတ်ပေးသွားမယ်လို့လည်း သိရပြီး ဒီအချက်က အင်္ဂလန်ကလပ်အတွက် စိတ်ဝင်စားစရာဖြစ်လာခဲ့ပါတယ်။ ကော်တင်ဟိုရဲ့ အေးဂျင့်ဖြစ်သူဂျော်ရတ်ချီယန်နဲ့ အဲဗာတန်အသင်းပိုင်ရှင်ဖာဟတ်ဒ်မိုရှီရီတို့ကလည်း ရင်းနှီးသူတွေဖြစ်လို့ ပိုမိုအဆင်ပြေဖွယ်ရှိနေကြောင်း ဆိုပါတယ်။ 

ကော်တင်ဟိုဟာ လက်ရှိမှာတော့ ဘိုင်ယန်မြူးနစ်အသင်းနဲ့အတူ ကစားနေတာဖြစ်ပြီး ရာသီကုန်ရင် အငှားစာချုပ်ကုန်ဆုံးတော့မှာဖြစ်ပါတယ်။ ဘိုင်ယန်က အပြီးသတ်ခေါ်ယူမှာမဟုတ်ဘူးလို့ အတည်ပြုထားပြီး ဘာစီလိုနာကလည်း ကော်တင်ဟိုကို ရောင်းချဖို့ ကြိုးစားနေကာ ချယ်လ်ဆီး၊ အာဆင်နယ်တို့လို အသင်းတွေက ခေါ်ယူဖို့စိတ်ဝင်စားနေပါတယ်။

ကော်တင်ဟိုအနေနဲ့ အဲဗာတန်ကို ပြောင်းရွှေ့ခဲ့မယ်ဆိုရင်တော့ အသင်းဟောင်းလီဗာပူးလ်ရဲ့ ခါးသီးပြိုင်ဘက်ဖြစ်လို့ အသင်းပရိသတ်ဟောင်းတွေရဲ့ မုန်းတီးမှုကိုခံရဖွယ်ရှိပါတယ်။ အဲဗာတန်နည်းပြအန်ဆယ်လော့တီကလည်း ကော်တင်ဟိုကို ခေါ်ယူဖို့စိတ်ဝင်စားနေကာ အသင်းတိုက်စစ်ပိုင်းကို မြှင့်တင်ချင်နေတယ်လို့ သိရပါတယ်။