လီဗာပူးလ်ကို ဧည့်ခံကစားရမယ့် လာမယ့်ပရီးမီးယားလိဂ်ပွဲစဉ်မှာ ချန်ပီယံအသင်းကို လက်ခုပ်တီးဂုဏ်ပြုသွားမယ်လို့ မန်စီးတီးနည်းပြဂွာဒီယိုလာက အတည်ပြုပြောဆိုသွားခဲ့ပါတယ်။ လီဗာပူုးလ်ဟာ ပွဲစဉ် ၇ ပွဲအကျန်မှာပဲ ဆုဖလားရယူနိိုင်ခဲ့တာဖြစ်ပြီး ချန်ပီယံဖြစ်ဖြစ်ပြီးချင်းမှာ မန်စီးတီးနဲ့ အဝေးကွင်းမှာ ကစားရမှာလည်းဖြစ်ပါတယ်။ 

ဒီအတွက်ကြောင့် လီဗာပူးလ်အနေနဲ့ ချန်ပီယံဆုဖလားကိုလည်း အီတီဟတ်ကွင်းမှာ လက်ခံရယူသွားဖွယ်ရှိနေပြီး လက်ရှိချန်ပီယံအနေနဲ့ ဂုဏ်ပြုခံရမှာလည်းဖြစ်ပါတယ်။ ဒါဟာ ပရီးမီးယားလိဂ်ရဲ့ အစဉ်အလာတစ်ခုဖြစ်ပြီး ချန်ပီယံဖြစ်ပြီးတဲ့နောက် ကစားရမယ့်ပွဲမှာ ပြိုင်ဘက်အသင်းကွင်းထဲအဝင် လက်ခုပ်တီးဂုဏ်ပြုနေခဲ့ကြတာဖြစ်ပါတယ်။ 

မန်စီးတီးဟာ ချယ်လ်ဆီးကို ၂-၁ နဲ့ အရေးနိမ့်ခဲ့ပြီးနောက်မှာ လီဗာပူးလ်အသင်းချန်ပီယံဖြစ်ခဲ့တာလည်းဖြစ်ပါတယ်။ လက်ကျန် ၇ ပွဲအလိုမှာ ၂၃ မှတ်အထိ လီဗာပူးလ်က ဖြတ်တောက်ထားခဲ့တာဖြစ်လို့ မန်စီးတီးအသင်း ဘယ်လိုမှလိုက်မမီနိုင်တော့ဘဲ လီဗာပူးလ်ဟာ နှစ်ပေါင်း ၃၀ အတွင်း ပထမဆုံးအကြိမ်အမှတ်ပေးချန်ပီယံဖြစ်လာခဲ့တာဖြစ်ပါတယ်။ 

မန်စီးတီးဟာ ဒီနေ့မှာတော့ နယူးကာဆယ်နဲ့ အက်ဖ်အေဖလားကွာတားဖိုင်နယ်ပွဲကို ကစားသွားရမှာလည်းဖြစ်ပါတယ်။ ဂွာဒီယိုလာက လက်ရှိမှာတော့ အဆိုပါပွဲကိုအာရုံစိုက်ထားပြီး ဆုဖလားဆွတ်ခူးနိုင်ဖို့နဲ့ ချန်ပီယံလိဂ်မှာ ကွာတားဖိုင်နယ်ကို တက်ရောက်နိုင်ဖို့ ပစ်မှတ်ထားနေတယ်လို့လည်း ပြောဆိုခဲ့ပါတယ်။