ဝီလီယံနဲ့ ချယ်လ်ဆီးတို့ရဲ့ စာချုပ်ဟာ ဇွန်လ ၃၀ ရက်နေ့မှာ ကုန်ဆုံးတော့မှာဖြစ်ပြီး ကစားသမားအနေနဲ့ လီဗာပူးလ်ကို ပြောင်းရွှေ့မယ်ဆိုပါက အလွတ်ပြောင်းရွှေ့နိုင်မှာလည်းဖြစ်ပါတယ်။

ဝီလီယံနဲ့ ချယ်လ်ဆီးတို့ရဲ့ စာချုပ်ဟာ ဇွန်လ ၃၀ ရက်နေ့မှာ ကုန်ဆုံးတော့မှာဖြစ်ပြီး ကစားသမားအနေနဲ့ လီဗာပူးလ်ကို ပြောင်းရွှေ့မယ်ဆိုပါက အလွတ်ပြောင်းရွှေ့နိုင်မှာလည်းဖြစ်ပါတယ်။ လက်ရှိမှာ သူတို့ရဲ့ ဆွေးနွေးမှုတွေက ကောင်းမွန်နေတယ်လို့ သိရပြီး ဝီလီယံအတွက် လီဗာပူးလ်က မက်မောဖွယ်ကမ်းလှမ်းမှုပြုလုပ်ထားတယ်လို့လည်း သိရပါတယ်။ 

၂၀၁၃ ခုနှစ်မှာ အန်ဇီကနေ ချယ်လ်ီးကို ပြောင်းရွှေ့လာခဲ့တဲ့ ဝီလီယံဟာ ပရီးမီးယားလိဂ်မှာသာ ဆက်လက်ကစားချင်နေသလို အင်္ဂလန်မှာ နေထိုင်ရတာလည်း အသားကျနေပြီဖြစ်တာကြောင့် ဆက်လက်ကစားနိုင်ဖို့ကို ဆန္ဒရှိနေပါတယ်။ ချယ်လ်ဆီးဘက်က ကမ်းလှမ်းခဲ့မှုမှာ သူလိုချင်တဲ့ စာချုပ်သက်တမ်းမျိုးမဟုတ်တာကြောင့် ညှိနှိုင်းမရဖြစ်ခဲ့ပြီး အသင်းကထွက်ခွာဖို့ သေချာနေတယ်လို့ ဝီလီယံက ဝန်ခံခဲ့ဖူးပါတယ်။

ဒါပေမယ့်လည်း နှစ်ဦးနှစ်ဖက်ကြားမှာ စာချုပ်သက်တမ်းတိုးမြှင့်ဖို့က အဆင်မပြေဖြစ်နေခဲ့ပြိး ဝီလီယံက ၂နှစ်၊ ၃နှစ်စာချုပ်မျိုး ချုပ်ဆိုချင်နေပေမယ့် ချယ်လ်ဆီးဘက်က ကမ်းလှမ်းခဲ့မှုက တစ်နှစ်တည်းသာဖြစ်တယ်လို့လည်း သိရပါတယ်။ ဒီအတွက် ဝီလီယံဘက်က စာချုပ်သစ်ကမ်းလှမ်းမှုကို ငြင်းဆန်ခဲ့ပြီး အသင်းသစ်ကို ရှာဖွေနေခဲ့တာလည်းဖြစ်ပါတယ်။