အက်စတွန်ဗီလာတိုက်စစ်မှူးဟောင်း ဂါဘရီရယ်အဘွန်လဟော်ကတော့ လီဗာပူးလ်အသင်းက ဒီရာသီမှာ အဆင့် ၄ အတွင်းဝင်နိုင်ဖို့ကိုပဲ ကစားရတော့မယ်လို့ ပြောဆိုလိုက်ပါတယ်။ လီဗာပူးလ်ကတော့ စနေနေ့က ကစားခဲ့တဲ့ အဲဗာတန်နဲ့ပွဲမှာလည်း သရေသာ ကျခဲ့လို့ ရမှတ် ၂ မှတ်ဆုံးရှုံးခဲ့ပြီး ဒီရာသီပရီးမီးယားလိဂ် ၆ ပွဲမှာ အမြင့်ဆုံးရနိုင်ချေ ၁၈ မှတ်မှာ ၉ မှတ်သာ ရယူထားနိုင်ခဲ့တာဖြစ်ပါတယ်။
"ကျနော့်အတွက်တော့ လီဗာပူးလ်က ဒီရာသီမှာ ပရီးမီးယားလိဂ်ဖလားကို ယှဉ်ပြိုင်နိုင်တော့မှာမဟုတ်ဘူးဆိုတာ ၁၀၀% သေချာပါတယ်၊ သူတို့တွေ အဆင့် ၄ အတွင်းဝင်ဖို့ကိုပဲ တိုက်ပွဲဝင်ရမှာပါ၊ ဘာလို့လဲဆိုတော့ အာဆင်နယ်တို့၊ စပါးတို့ကလည်း ရှိနေပါပြီ၊ သူတို့က နိုင်အောင် ဘယ်လိုကစားရမလဲဆိုတာကို သိနေပြီ၊ ပြီးတော့ အနိုင်ယူနိုင်တဲ့၊ အနိုင်ယူချင်တဲ့ စိတ်ဓာတ်မျိုးလည်းရှိနေပါတယ်"
"သူတို့မှာ လွဲချော်ပျောက်ဆုံးနေတာက မာနေးလို ထက်မြက်မှုနဲ့ ဂိုးဖန်တီးမှုလုပ်ပေးနိုင်မယ့် ကစားသမားမျိုးကို အားကိုးရမယ့်အချိန်မှာ အားကိုးရမယ့်သူမရှိတာပါ၊ မာနေးက ဆာလာအတွက် နေရာလွတ်တွေရအောင် ပိုလုပ်ပေးနိုင်ပြီး ဆာလာက ဂိုးသွင်းနိုင်ပုံမရှိသလို ဆာလာနဲ့လည်းမတူတော့ပါဘူး၊ တောင်ပံတွေကိုထွက်ပြီးတော့ သူ နေရာလွတ်တွေရှာရမှာပါ"
"ကွင်းလယ်ကလည်း အလုပ်မဖြစ်ပါဘူး၊ ဖာဘင်ဟိုက အထိုင်ကစားနေပြီးတော့ သူ့ရှေ့မှာ အီလီယေ့ာနဲ့ ကာဗယ်ဟိုတို့ရှိပါတယ်၊ ကျနော့်အတွက်တော့ ဒါက အလုပ်မဖြစ်ဘူးထင်တာပဲ" လို့ အဘွန်လဟော်က ပြောဆိုခဲ့ပါတယ်။