အရင်ဆုံး ကွန်ဂရက်ရှေ့မှောက် စစ်ဆေးခံသင့်တယ်လို့ပြောပါတယ်

၂၀၂၀ မှာ မိတ်ဆက်သွားမယ့် Facebook ရဲ့ ဒီဂျစ်တယ်ငွေကြေးသစ် Libra ပရောဂျက်ကို ရပ်ဆိုင်းဖို့အမေရိကန်ထိပ်တန်း လွှတ်တော်အမတ်တစ်ဦးမှ တိုက်တွန်းလိုက်ပါတယ်။

         အမေရိကန် အိမ်ဖြူတော် ဘဏ္ဍာရေးဝန်ဆောင်မှု ကော်မတီ ( တစ်နည်းအားဖြင့် ဘဏ်နဲ့ငွေကြေးဆိုင်ရာ ကော်မတီ) ရဲ့ Chairwoman ဖြစ်သူ မက္ကဇင်ဝါးတားစ်မှ Facebook ရဲ့ Libra စီမံကိန်း ကြေညာပြီးပြီးချင်း အခုလို သဘောထား ထုတ်ပြန်လိုက်တာ ဖြစ်ပါတယ်။ ဒီထုတ်ပြန်ချက်ထဲမှာ ဝါးတားစ်အနေနဲ့Facebook အမှုဆောင်တွေဟာ Libra ထုတ်ကုန်နဲ့ပတ်သက်ပြီး ကွန်ဂရက်ရှေ့မှောက်မှာ စစ်ဆေးစိစစ်သင့်တယ်လို့ဆိုပါတယ်။

Photo: Reuters



         သူမရဲ့ ထုတ်ပြန်ချက်ထဲမှာပဲ Facebook ဟာ သုံးစွဲသူအချက်အလက် ကာကွယ်ခြင်းနဲ့အကျိုးအလို့ငှာ သုံးစွဲခြင်းအတွက် အရေးတယူမရှိတာကို ထပ်တလဲလဲ တွေ့ရတယ်လို့ဖော်ပြထားပါတယ်။ " ဒီကုမ္ပဏီရဲ့ ပြီးခဲ့တဲ့ ပြဿနာတွေ ကြည့်ပြီး Facebook ဟာ ကွန်ဂရက်နဲ့ဥပဒေပြုပညာရှင်တွေဘက်မှ ဒီပြဿနာတွေကို စစ်ဆေးအရေးယူတဲ့ အချိန်အထိ cryptocurrency ထုတ်နေတဲ့ လှုပ်ရှားမှုတွေ ရပ်ဆိုင်းဖို့သဘောတူဖို့တောင်းဆိုပါတယ်" လို့သူမရဲ့အဆိုကို ကိုးကားပြီး Reuters မှာ ရေးထားပါတယ်။

         Facebook နဲ့မိတ်ဘက်ကုမ္ပဏီ ၂၇ ခုဟာ Libra လို့ခေါ်တဲ့ ဒီဂျစ်တယ်ငွေကြေးသစ်ကို မိတ်ဆက်သွားမယ်လို့ဇွန်လ ၁၈ ရက် က ကြေညာထားပါတယ်။ Libra နဲ့အတူ Messenger နဲ့WhatsApp တို့မှာ အလုပ်လုပ်နိုင်မယ့် Calibra ဆိုတဲ့ Digital Wallet သစ်တစ်ခုကိုလည်း မိတ်ဆက်သွားမှာပါ။ Libra ကို သုံးပြီး ဈေးဝယ်တာ ၊ နိုင်ငံဖြတ်ကျော် ငွေလွဲှပေးပို့တာ နဲ့လှူဒါန်းတာတွေ လုပ်ဆောင်နိုင်မယ်လို့ဆိုပါတယ်။

         Libra ကို Libra Association ကနေ ထိန်းချုပ်သွားမှာ ဖြစ်ပြီး ဒီအဖွဲ့အစည်းထဲမှာ Visa ၊ Mastercard နဲ့PayPal စတဲ့ ငွေကြေးဆိုင်ရာ အဖွဲ့အစည်းတွေ အပြင် Uber ၊ Lyft ၊ Vodafone Group ၊ eBay ၊ Spotify စတဲ့ နည်းပညာနဲ့သယ်ယူပို့ဆောင်ရေးကုမ္ပဏီများလည်း ပါဝင်နေပါတယ်။ ဒီဝန်ဆောင်မှုဟာ ဘဏ်အကောင့်မရှိတဲ့ လူသန်းပေါင်း ၁၇၀၀ ကျော်ကိုု ဦးတည်ပစ်မှတ်ထားတဲ့ ငွေကြေး ဝန်ဆောင်မှုလည်း ဖြစ်ပါတယ်။

Photo: Trusted Reviews

         Facebook ဟာ privacy ချိုးဖောက်မှုနဲ့အမေရိကန်ဖက်ထရယ် ကုန်သွယ်ရေးကော်မရှင် FTC မှ ဒေါ်လာ ၃ ဘီလျံကနေ ၅ ဘီလျံအထိ ဒဏ်တပ်ခံရဖို့ရှိနေပါတယ်။ FTC ဟာ ပြီးခဲ့တဲ့နှစ်က Facebook သုံးစွဲသူ ၈၇ သန်း ကျော်ရဲ့ အချက်အလက်များ ရယူသွားတဲ့ Cambridge Analytica ကိစ္စကစပြီး Facebook ပေါ် စုံစမ်း စစ်ဆေးမှုများ လုပ်ဆောင်နေတာပါ။


ဆက်စပ်အကြောင်းအရာများ

Share

Loading Next Article...
က္က