ပရိသတ်တွေနဲ့ အချိန်အတော်ကြာ ကင်းကွာနေတဲ့ နှင်းဆီအဖွဲ့သားတွေဟာ ပရိသတ်တွေရှေ့မှောက်သို့"နှင်းဆီပုဝါခြုံတဲ့လက်" ဆိုတဲ့ ဖျော်ဖြေပွဲနဲ့အတူ ပြန်လည်ရောက်ရှိလာတော့မှာပါ။

ဖျော်ဖြေပွဲမတိုင်ခင်မှာ နှင်းဆီအငြိမ့်မှာ ပါဝင်တဲ့ နှင်းဆီအဖွဲ့သားတွေကိုယ်တိုင် ပရိသတ်များနဲ့ တွေ့ဆုံပြီး လက်မှတ်ရေးထိုးသွားမယ့် အစီအစဉ်ကို တော်ဝင်စင်တာမှာ ပြုလုပ်ပေးသွားမှာ ဖြစ်ပါတယ်။

“နှင်းဆီပဝါခြုံတဲ့လက် ပွဲလက်မှတ်များအား၅.၁.၂၀၁၉ (စနေနေ့) ၊ ညနေ (၃) နာရီ မှ (၅) နာရီအတွင်းတော်ဝင်ဂါးဒင်းဟိုတယ်-တော်ဝင်စင်တာ၌နှင်းဆီအဖွဲ့ ကိုယ်တိုင် လက်မှတ်ရေးထိုးရောင်းချပေးမည်ဖြစ်ပါသည်။ထိုနေ့တွင် လာရောက်ဝယ်ယူအားပေးသော ပရိသတ်များအား လက်ဆောင်ထုတ်ရန် တိုကင်ထုတ်ပေးမည်ဖြစ်ပြီးပွဲနေ့တွင် ထိုလက်မှတ် နှင့် တိုကင်အား ပြ၍ လက်မှတ် (၁) စောင်လျှင်နှင်းဆီပဝါလေး (၁) ထည် လက်ဆောင်ထုတ်ယူနိုင်ပါတယ်” ဆိုပြီး နှင်းဆီရင်ခွင်လူကူညီရေးဖောင်ဒေးရှင်း ဖေ့စ်ဘွတ်ပေ့ချ်မှာ ရေးသားထားတာတွေ့ရပါတယ်။

လက်မှတ်ဈေးနှုန်းတွေကို VIP- ငွေကျပ် ၁၀၀၀၀၀ သတ်မှတ်ထားပြီး ၅၀၀၀၀၊ ၃၀၀၀၀ ဆိုပြီး သတ်မှတ်ထားတယ်လို့ သိရပါတယ်။ လက်မှတ်တွေကို ဖုန်း ၀၉-၄၂၉၂၆၁၄၄၄၄ မှာ ဆက်သွယ်မှာယူနိုင်တယ်လို့ သိရပါတယ်။

နှင်းဆီရင်ခွင် လူမှုကူညီရေး ဖောင်ဒေးရှင်းကနေ ပညာသင်ကျောင်းတွေလည်း ဆောက်လုပ်လှူဒါန်းခဲ့သလို သက်ကြီး အနုပညာလောက သားများကိုလည်း ကူညီပေးလျက်ရှိပါတယ်။