မန်ယူအသင်းအနေနဲ့ နည်းပြ ဆိုးလ်ရှားလက်ထက် ပထမဆုံး ၂ ပွဲဆက် အရှုံးနဲ့ ရင်ဆိုင်ခဲ့ရပေသလို အက်ဖ်အေဖလား ကွာတားဖိုင်နယ်ကလည်း ထွက်ခဲ့ရတဲ့အခြေအနေမှာ ချန်ပီယံလိဂ်ဝင်ခွင့်ကို အဓိက ပစ်မှတ်ထားလာပြီလို့ သတိပေးလိုက်တာပါ။

မန်ယူအသင်းအနေနဲ့ အက်ဖ်အေဖလား ကွာတားအဆင့်က ထွက်ခဲ့ရတာကြောင့် ချန်ပီယံလိဂ်ဝင်ခွင့် နေရာကို အဓိက ပစ်မှတ်ထားနေပြီ ဖြစ်ပြီး ရာသီအကုန်မှာ အဖျားမရှုးသွားရေး ကြိုးပမ်းလာမယ်လို့ မာတစ်က သတိပေးခဲ့တာလည်း ဖြစ်ပါတယ်။

မန်ယူအသင်းအနေနဲ့ ပရီးမီးယားလိဂ် အဆင့် ၄ နေရာကနေ အာဆင်နယ်ကို ၂-၀ နဲ့ ရှုံးလို့ လက်လွှတ်ခဲ့ရပြီး အဆင့် ၅ နေရာကို ရောက်ရှိနေခဲ့တာပါ။ အဲ့နောက် ဝုလ်အသင်းနဲ့ ကစားခဲ့တဲ့ အက်ဖ်အေဖလား ကွာတားဖိုင်နယ်မှာလည်း ၂-၁ ဂိုးနဲ့ ရှုံးပြီး ထွက်ခဲ့ရတာပါ။

လက်ရှိ အမှတ်ပေးဇယားရဲ့ အခြေအနေမှာ အဆင့် ၃ နေရာက စပါးနဲ့ အဆင့် ၆ နေရာက ချဲလ်ဆီးအသင်းတို့ကြား ၄ မှတ်သာ ကွာဟနေပြီး အဆင့် ၃ နဲ့ အဆင့် ၄ ကလည်း ၁ မှတ်သာကွာဟနေတာပါ။

“အဆင့် ၄ အတွင်း ဝင်ဖို့ ကျွန်တော်တို့ အကောင်းဆုံးကြိုးစားဖို့ လိုပါတယ်။ ဒီအတိုင်းတော့ မပြီးနိုင်ပါဘူး၊ ၈ ပွဲကစားဖို့ ကျန်ပါသေးတယ်။ ကျွန်တော်တို့ ဘယ်လောက်စွမ်းဆောင်နိုင်လဲဆိုတာ ပြသသွားမှာပါ။” လို့ မာတစ်က ကြုံးဝါးခဲ့ပါတယ်။

လွန်ခဲ့တဲ့ ၂ လကို ပြန်ကြည့်ရင် ချဲလ်ဆီးအောက် ၁၁ မှတ်အကွာမှာ ရှိနေခဲ့တာ ဖြစ်ပြီး အခုချိန်မှာ သူတို့ရဲ့အပေါ်ကို ပြန်ရောက်နေပြီဆိုတာကိုလည်း မာတစ်က ညွှန်ပြခဲ့ပါသေးတယ်။