ကစားသမားတွေရဲ့ လစာငွေရရှိမှုနှုန်းထားမတူညီမှုတွေကြောင့် ၅၀%အထိ လျှော့ချပေးရမယ်ဆိုရင် အသင်းဖော်တွေအခက်အခဲနဲ့ ရင်ဆိုင်ရမှာဖြစ်လို့ ၂၅%သာ လျှော့ချဖို့ ရွန်နီက ကိုယ်စားပြုကာ အသင်းနဲ့ ထိပ်တိုက်ရင်ဆိုင်ပေးနေတာဖြစ်ပါတယ်။ 

ဒါပေမယ့် ရွန်နီက ကစားသမားတွေကိုယ်စား အသင်းရဲ့ CEO စတီဖင်ပီရေ့ကို အကြောင်းကြားမှုတွေပြုလုပ်ခဲ့ပြီး ၂၅%သာ လျှော့ချပေးဖို့အတွက် တောင်းဆိုပေးခဲ့တယ်လို့ Daily Mail က ဖော်ပြခဲ့ပါတယ်။ အင်္ဂလန်အသင်းရဲ့ ထာဝရဂိုးသွင်းအများဆုံး ကစားသမားအဖြစ် ရပ်တည်နေတဲ့ ရွန်နီဟာ ဇန်နဝါရီလကမှ ဒါဘီကို ပြောင်းရွှေ့ခဲ့သူဖြစ်ပါတယ်။ 

အသင်းနည်းပြဖိလစ်ကိုကူးက ရွန်နီကို အသင်းခေါင်းဆောင်ရာထူးပေးအပ်ထားပြီး သူကိုယ်တိုင်ကလည်း ခြေစွမ်းပြကစားနိုင်ခဲ့ပါတယ်။ လက်ရှိမှာ ရွန်နီက ကစားသမားတွေနဲ့ ဘုတ်အဖွဲ့ဝင်တွေကြားမှာ ကြားနေကိုယ်စားလှယ်သဘောမျိုးနဲ့ ဖျန်ဖြေပေးနေကာ ကစားသမားအတွက် နစ်နာမှုမရှိအောင် ဆောင်ရွက်ပေးနေတာလည်းဖြစ်ပါတယ်။ 

ဒါဘီကစားသမားတွေကတော့ အသင်းအနေနဲဲ့ သူတို့ရဲ့လစာငွေတွေကို အနည်းအပါးသာလျှော့ချစေချင်ပြီး ဒီလိုလုပ်ခလစာတွေနဲ့ ပတ်သက်ပြီးတော့လည်း အပြည့်အဝအသိပေးဖို့ လိုလားနေပါတယ်။ အသင်းဘက်က ဒီလိုအသိပေးဖို့ ပျက်ကွက်ခဲ့မယ်ဆိုရင် သူတို့ဘက်က ၂၅% လျှော့ချပေးဖို့ ကမ်းလှမ်းမှုကို ပြန်လည်ရုတ်သိမ်းသွားမယ်လို့လည်း ခြိမ်းခြောက်ထားကြောင်းသိရပါတယ်။ 

ပရော်ဖက်ရှင်နယ်ဘောလုံးသမားများအဖွဲ့အစည်းကလည်း ကစားသမားတွေကို လုပ်ခလစာ ၂၅%ထက် လျှော့ချပေးတာမျိုး မပြုလုပ်ဖို့ အကြံပေးထားကြောင်း သိရပါတယ်။ ကစားသမားတွေရဲ့ လစာငွေရရှိမှုနှုန်းထားမတူညီမှုတွေကြောင့် ၅၀%အထိ လျှော့ချပေးရမယ်ဆိုရင် အသင်းဖော်တွေအခက်အခဲနဲ့ ရင်ဆိုင်ရမှာဖြစ်လို့ ၂၅%သာ လျှော့ချဖို့ ရွန်နီက ကိုယ်စားပြုကာ အသင်းနဲ့ ထိပ်တိုက်ရင်ဆိုင်ပေးနေတာဖြစ်ပါတယ်။