မှုံနံ့သာကျော်ရဲအောင်ကတော့ ဖခင်ဖြစ်သူ သရုပ်ဆောင်ကျော်ရဲအောင်နဲ့ အနုပညာအလုပ်တွေ အတူတွဲလုပ်ချင်တဲ့ ဆန္ဒရှိတယ်လို့ ဆိုပါတယ်။ သူမကိုယ်တိုင်ကတော့ လက်ရှိမှာ အနုပညာအလုပ်တွေ မလုပ်ဖြစ်သေးတဲ့အကြောင်းကို ဆက်လက်ပြောပြလာပါတယ်။

သရုပ်ဆောင်ကျော်ရဲအောင်ရဲ့ အနုပညာမျိုးဆက်တစ်ဦးဖြစ်တဲ့ မှုံ့နံ့သာကျော်ရဲအောင်ကိုလည်း ပရိသတ်တွေက ချစ်ခင်အားပေးလျှက်ရှိပါတယ်။ သူမကတော့ လက်ရှိမှာ အနုပညာအလုပ်တွေ သိပ်မလုပ်ဖြစ်တဲ့အကြောင်းကို Duwun Media ကနေတဆင့် ပြောပြလာပါတယ်။

Photo: Mhone Nanthar

‘’သရုပ်ဆောင်တစ်ယောက်ဖြစ်ဖို့ဆိုတာ အရမ်းကြိုးစားမှုတွေ အများကြီး လိုအပ်ပါတယ်။ ဖေဖေကပြောတယ်၊ တကယ်ဖြစ်ချင်တာလားပေါ့၊ ဒီအလုပ်က စိတ်ရော၊ လူရော ပင်ပန်းတယ်ဆိုတော့ ညီမကို သေချာစဉ်းစားခိုင်းတယ်။ ငယ်ငယ်တုန်းကတော့ ဖေကြီး ဇာတ်ကားတွေတိုင်းမှာ အမြဲပါဖြစ်တယ်။ အခုချိန်မှာတော့ လိုအပ်ချက်တွေ ရှိပါသေးတယ်’’ လို့ သူကဆိုပါတယ်။

Photo: Mhone Nanthar

မှုံနံ့သာကျော်ရဲအောင် (Mhone Nanthar Kyaw Ye Aung)ကိုတော့ ‘’ဆယ်လီ’’ရုပ်ရှင်ဇာတ်ကားကြီးကနေ စပြီး ပရိသတ်တွေ စတင်သိရှိခဲ့တာပါ။ အဲဒီနောက် သရုပ်ဆောင် ကျော်ရဲအောင်ရဲ့ သမီးလို့ သိလိုက်ရတဲ့အချိန်မှာ ပရိသတ်တွေရဲ့ စိတ်ဝင်စားခြင်းကို ပိုမိုရရှိခဲ့တာဖြစ်ပါတယ်။ လက်ရှိမှာတော့ သူမဟာ ဖခင်ဖြစ်သူရဲ့ အနုပညာအလုပ်တွေကို လေ့လာနေဆဲဖြစ်တယ်လို့ ဆိုပါတယ်။