X-Box က ‘’ချစ်သူများနေ့’’ ဆိုတာကို သိပ်စိတ်မဝင်စားဘူးလို့ ဆိုပါတယ်။ ဒါပေမယ့်လည်း သူက လူပျိုကြီး မလုပ်ပဲ အိမ်ထောင်ပြုမယ်၊ ကလေးယူမယ်လို့ စဉ်းစားထားပါတယ်တဲ့။

မိန်းကလေးပရိသတ်အားပေးမှု အများကြီး ရရှိထားတဲ့ X-Box က အချစ်ရေးအကြောင်းကို ပွင့်ပွင့်လင်း လင်းပြောပြလာပါတယ်။ လူပျိုကြီးမလုပ်ဘူးလို့လည်း မီဒီယာတွေကနေတဆင့်ပြောပြလာပါတယ်။

Photo: X-Box

‘’ လူပဲဗျာ ရည်းစားထားဖူးတာပေါ့။ ချစ်သူရှိတယ် Ro ချင်တာပေါ့။ ဒါပေမယ့် လောလောဆယ် ဖေဖော်ဝါရီ ၁၄ ဆိုတာ ဘယ်လို ကုန်ဆုံးလို့ ကုန်ဆုံးသွားမှန်းမသိတာ ၃ နှစ်လောက်တော့ရှိပြီ’’ လို့ သူကဆိုပါတယ်။

Photo: X Box

အဲဒီနောက် ၂၀၁၉ ခုနှစ်မှာလုပ်သွားမယ့် X-Box ရဲ့ အနုပညာလှုပ်ရှားမှုတွေကိုလည်း ပြောပြလာပါတယ်။ ၂၀၁၉ မှာ တစ်ကိုယ်တော်ရှိုးပွဲလည်း လုပ်သွားမှာဖြစ်သလို တတိယမြောက် တစ်ကိုယ်တော်အခွေလည်း ထွက်ရှိသွားမယ်လို့ ဆိုပါတယ်။

‘’ တစ်ကိုယ်တော်ရှိုးပွဲ မလုပ်ခင် ကျွန်တော့်ရဲ့ တတိယမြောက်အခွေ ‘’Brand’’ လို့ အမည်ပေးထားတယ်။ ၂၀၁၈ မှာ ကျွန်တော် ပျောက်နေတယ်။ ၂၀၁၉ မှာတော့ ကျွန်တော် စုဆောင်းထားတဲ့ အရာတွေနဲ့ ပရိသတ်ဆီကို ပြန်လာမယ်’’ လို့ ဆက်လက်ပြောပြခဲ့ပါတယ်။

Photo: X-Box

အဲဒီနောက် ၂၀၁၈ ခုနှစ်မှာ ၉၉ ပေါက်ဆိုတဲ့ ဒုတိယ တစ်ကိုယ်တော်အခွေကို ထွက်ရှိခဲ့ပါတယ်။ လက်ရှိမှာ လည်း X-Box ရဲ့ ‘’Hurt’’ ဆိုတဲ့ သီချင်းဟာ လူငယ်ပရိသတ်တွေ ကြားမှာ ရေပန်းစားလို့နေပါတယ်။