အရပ်မြင့်လာခြင်း 

ခန္ဓာကိုယ်အစိတ်အပိုင်းတွေထဲက သိသိသာသာ ပြောင်းလဲလာတဲ့ အရာကတော့ အရပ်အမြင့်ပါပဲ။ ယောကျာ်းလေးကော ၊ မိန်းကလေးတွေပါ အပျိုဖော် ၊ လူပျိုဖော်ဝင်လာတာနဲ့တပြိုင်နက် အရပ်တွေလည်း ရှည်ထွက်လာကြပါတယ်။ 

အသံပြောင်းလာခြင်း 

ဆယ်ကျော်သက်အရွယ်မှာ များသောအားဖြင် ယောကျာ်းလေးတွေမှာ အသံပြောင်းလာတာက သိသိသာသာ ကြုံတွေ့ဖြစ်ပေါ်လာပါတယ်။ ကလေးအသံကနေ လူကြီးအသံပြောင်းလာတာ၊ အသံသြသြကြီးဖြစ်သွားတာမျိုးတွေ ပြောင်းလဲဖြစ်ပေါ်လာပါတယ်။ 

ဝက်ခြံထွက်လာခြင်း 

ကြွက်သားနဲ့ အရိုးအဆစ်တွေကြီးထွားလာခြင်း  

ယောကျာ်းလေးတွေမှာ ရင်အုပ်ထွားလာတာ ၊ လက်မောင်းကြွက်သားတွေ၊ ခြေသလုံးကြွက်သားတွေ ထွက်လာတာမျိုးတွေ ဖြစ်လာသလို မိန်းကလေးတွေမှာဆိုရင်လည်း ရင်သားတွေဖွံ့ဖြိုးလာတာ ၊ တင်ပါးဆုံကားလာတာ စတဲ့ ပြောင်းလဲမှုတွေ ဖြစ်ပေါ်လာပါတယ်။ 

အမွှေးအမျှင်များပေါက်လာခြင်း 

နောက်ထပ်သိသာထင်ရှားတဲ့ ရုပ်ပိုင်းဆိုင်ရာ ပြောင်းလဲမှုတွေမှာတာ့ အမွှေးအမျှင်လေးတွေ ထွက်လာတာမျိုးတွေဖြစ်ပေါ်လာပါတယ်။ ချိုင်းမွှေးတွေ၊ ခြေသလုံးမွှေးတွေ၊ ဆီးခုံ အနီးတဝိုက်မှာ အမွှေးအမျှင်ထွက်လာတာမျိုးတွေ ဖြစ်လာပါတယ်။ 

မိန်းကလေးတွေမှာ ဓမ္မတာပေါ်ခြင်း 

ဆယ်ကျော်သက်မိန်းကလေးတွေမှာတော့ ယောကျာ်းလေးတွေနဲ့ ကွာခြားတာတစ်ခုက ဓမ္မတာစပေါ်လာတာမျိုးတွေ ဖြစ်ပေါ်လာပါတယ်။ 

ဝမ်းနည်းအားငယ်လာခြင်း 

စိတ်ပိုင်းဆိုင်ရာ ပြောင်းလဲမှုတွေလည်း အများကြီးဖြစ်ပေါ်လာပါတယ်။ အကြောင်းအရင်းမရှိဘဲ ဝမ်းနည်းအားငယ်တာ ၊ ဒါမှမဟုတ် ဘာမှမဟုတ်တဲ့ အရာလေးမှာတောင် ဝမ်းနည်းတာ ဒါတွေက အပျိုလူပျိုဖြစ်တဲ့အချိန် ဟော်မုန်းပြောင်းလဲမှုတွေကြောင့် ဖြစ်ပေါ်ခံစားရတဲ့ အရာပဲဖြစ်ပါတယ်။ 

ကိုယ့်ကိုယ်ကိုယ် ယုံကြည်မှုမရှိခြင်း 

ဆယ်ကျော်သက်အရွယ် ယောကျ်ားလေးတွေရော မိန်းကလေးတွေမှာပါ ပြောင်းလဲလာတဲ့ ရုပ်ပိုင်းဆိုင်ရာကြောင့် စိတ်ပိုင်းဆိုင်ရာမှာလည်း အကျိုးသက်ရောက်မှုတွေရှိလာပါတယ်။ ကိုယ့်ရဲ့ ခန္ဓာကိုယ်အပေါ် စိတ်တိုင်းမကျတာ ၊ ယုံကြည်မှုမရှိတာ ၊ ရှက်ရွံ့သိမ်ငယ်တာ၊ ကြောက်တာ ဒါတွေကလည်း ဟော်မုန်းအပြောင်းအလဲကြောင့် ဖြစ်ပေါ်လာတဲ့ စိတ်ပိုင်းဆိုင်ရာ ပြောင်းလဲမှုတွေပါပဲ။ 

 ဆန့်ကျင်ဘက် လိင်ကို စိတ်ဝင်စားလာခြင်း 

အရွယ်ရောက်လာတာနဲ့အမျှ ဆန့်ကျင်ဘက်လိင်ကို တဖြည်းဖြည်း စိတ်ဝင်စားတာ ၊ စိတ်ကစားတာ စတဲ့ စိတ်ခံစားချက်တွေလည်းဖြစ်ပေါ်လာတတ်ပါတယ်။ 

သက်တူရွယ်တူ‌သူငယ်ချင်းတွေကို ပိုမက်မောလာခြင်း 

ဆယ်ကျော်သက်အရွယ်ရောက်လာတဲ့အခါ အိမ်မကပ်ချင်တော့တာ၊ ရွယ်တူသူငယ်ချင်းတွေနဲ့ စကားပြောနေရတာ၊ အတူအချိန်ဖြုန်းချင်တာ ၊ ရွယ်တူသူငယ်ချင်းတွေရဲ့ စကားကိုပဲ နားထောင်ချင်တာ (မိဘစကားကို ကလန်ကဆန်လုပ်လိုလာတာ) ဒါတွေကလည်း ဆယ်ကျော်သက် အပျို ၊ လူပျိုဖော်ဝင်ကာစအရွယ်တွေမှာ ဖြစ်ပေါ်လာတတ်ပါတယ်။ 

ဒီအချက်တွေကတော့ ဆယ်ကျော်သက်အရွယ် အပျို လူပျိုဖော်ဝင်ကာစအချိန်မှာ ဒီလို ရုပ်ပိုင်းဆိုင်ရာ ၊ စိတ်ပိုင်းဆိုင်ရာ အချက်ကလေးပြောင်းလဲတတ်တာဖြစ်လို့ ဆယ်ကျော်သက်တွေကိုယ်တိုင်ရော ၊ ဆယ်ကျော်သက်တွေရဲ့ မိဘတွေရောက ဟော်မုန်းအပြောင်းအလဲကြောင့် ဖြစ်တတ်တဲ့အရာတွေကို သတိထားပြီး ဆင်ခြင်ကြမယ်ဆိုရင် ပျော်ရွှင်ကျန်းမာစိတ်ချမ်းသာတဲ့ ဆယ်ကျော်သက်လေးတွေအဖြစ် ရှင်သန်ကြီးပြင်းနိုင်မှာဖြစ်ပါတယ်။ 

ဖော်ပြပါသတင်းဆောင်းပါးပါ အချက်အလက်များသည် Duwun Community Voice အစီအစဉ်မှ ပြည်သူ့ကျန်းမာရေးဆရာဝန် ဒေါက်တာနန္ဒီရဲ့ အကြံပြုချက်များကို ကောက်နုတ်ဖော်ပြထားခြင်းဖြစ်ပါသည်။