Android One ဖုန်းတစ်လုံးအနေနဲ့Motorola ကနေ နောက်ထပ်မိတ်ဆက်သွားဖို့ရှိတဲ့ ဖုန်းတစ်လုံးကတော့ Motorola One Action ပဲ ဖြစ်ပါတယ်။
ပြီးခဲ့တဲ့ မေလထဲမှာ Motorola ဟာ Motorola One Vision ကို ကြေညာခဲ့ပြီး နောက်ထပ် မိတ်ဆက်သွားမယ့် Motorola One Action ဟာလည်း One Vision နဲ့ဒီဇိုင်း ၊ Specs အတော်လေး ဆင်ပါတယ်။ ဒီဖုန်းနှစ်လုံးမှာ ကွာခြားချက်တစ်ခုက camera ပဲ ဖြစ်ပါတယ်။
Photo: Latest Phone Zone
One Vision ဟာ ကျောဘက်ဟာ dual lens သုံးထားပေမယ့် Motorola One Action မှာ သုံးလုံးတွဲ ကင်မရာစနစ်နဲ့လာမယ်လို့ဆိုပါတယ်။ One Action ရဲ့ ကျောဘက်ကင်မရာ ၃ လုံးအကြောင်း မသိရသေးပေမယ့် main camera အဖြစ် 12.6MP sensor သုံးသွားမယ်လို့ဆိုပါတယ်။
Motorola One Action ဟာ Sony ကနေ စတင် မိတ်ဆက်ခဲ့တဲ့ 21:9 cinematic screen ဒီဇိုင်း သုံးထားပြီး ဖုန်းကိုယ်ထည်ဟာ မြင်နေကျ စမတ်ဖုန်းတွေထက် အများကြီး ပိုရှည်တဲ့ ultra-wide display ဖြစ်လာပါတယ်။ ဒီဖုန်းဟာ punch hole display လို့ခေါ်တဲ့ ရှေ့ကင်မရာနေရာမှာ အပေါက်ဖောက်ထားတဲ့ ဒီဇိုင်း သုံးသွားမယ်လို့ဆိုပါတယ်။
ဖုန်း screen ဘယ်ဘက် အပေါ်ထောင့်နေရာမှာ ရှိတဲ့ punch hole selfie ကင်မရာကလည်း 12.6MP ကင်မရာ ဖြစ်ပြီး fingerprint sensor ကိုတော့ ဖုန်းကျောဘက်မှာ ထည့်ပေးထားပါတယ်။ ကင်မရာ ၃ လုံးတွဲ သုံးထားပေမယ့် One Vision လို glass body မဟုတ်တော့ဘဲ ပလတ်စတစ်ကိုယ်ထည်နဲ့လာပြီး RAM/storage လည်း လျှော့သွားမယ်လို့ဆိုပါတယ်။
Photo: phoneradar
processor ကိုတော့ Samsung ကနေ ထုတ်ထားတဲ့ Exynos 9609 processor ပဲ သုံးသွားမှာ ဖြစ်ပြီး RAM 3GB/4GB ၊ Storage ကိုတော့ 32/64/128GB ဆိုပြီး ၃ မျိုး ထွက်လာဖို့ရှိပါတယ်။ မျက်နှာပြင် ၆.၃ လက်မရှိတဲ့ ဒီဖုန်းဟာ 3500 mAh ဘက်ထရီ ပါလာဖို့ရှိပြီး Type C chraging စနစ် သုံးသွားမှာပါ။
One Action ဟာ သူ့အရင်ထွက်ထားတဲ့ One Vision ထက် ဈေးပို သက်သာမှာ ဖြစ်ပြီး အပြာ ၊ ရွှေရောင်နဲ့အဖြူ ကာလာ ၃ ရောင်နဲ့ထွက်လာဖို့ရှိပါတယ်။