အင်ဒိုနီးရှားနိုင်ငံမှ ကျေးရွာတစ်ရွာမှာ COVID-19 ရောဂါဗိုင်းရပ်စ် ကူးစက်မှုထိန်းချုပ်ရေး ရွာခံများ နေအိမ်ပြင်ပသွားလာမှု ကန့်သတ်နိုင်ရန် စေတနာ့ဝန်ထမ်းတွေကို တစ္ဆေအသွင် ဝတ်ဆင်စေပြီး ခြောက်လှန့်တဲ့နည်းဖြင့် လုပ်ဆောင်ခဲ့ကြပါတယ်။

(Photo: Kesongo Hamlet/JP)

ကနဦးမှာ "pocong" တစ္ဆေပုံစံဖြင့် လူတွေကို ကြောက်လှန့်စေတဲ့ ရည်ရွယ်ချက်ဟာ ပြောင်းပြန်ဖြစ်ခဲ့သေးပြီး လူတွေက "pocong" တစ္ဆေအသွင် ဝတ်ဆင်ထားကြတဲ့ စေတနာဝန်ထမ်းတွေကို လိုက်ရှာရန် နေအိမ်အပြင်ထွက်လာခဲ့ကြတယ်လို့ Reuters သတင်းဌာနမှ သတင်းထောက်က ပြောပါတယ်။

(Photo: Reuters)

သို့သော် နောက်ပိုင်းမှာတော့ တစ္ဆေပုံစံဝတ်ဆင်ထားတဲ့ စေတနာ့ဝန်ထမ်းအဖွဲ့ကို မထင်မှတ်တဲ့ နေရာတွေမှာ ဖြန့်ကျက်ချထားခဲ့ရာ ထိုအစီအစဥ်ရဲ့ ထိရောက်မှုအခြေအနေ တိုးတက်လာခဲ့ကြောင်း ဒေသခံတွေက ဆိုပါတယ်။ "pocong ပေါ်လာကတည်းက မိဘတွေနဲ့ ကလေးတွေ သူတို့အိမ်က‌နေ မထွက်လာကြတော့ဘူး၊ ပြီးတော့ လူတွေလည်း ညနေခင်းတို့ ညဘက်တို့မှာ လမ်းတွေပေါ် စုဝေးနေကြတာ မရှိကြတော့ဘူး" လို့ ရွာခံတစ်ဦးဖြစ်သူ Karno Supadmo က Reuters ကို ပြောပါတယ်။

(Photo: Muhd Urabil Alias/Facebook)

.