အဲ့ဒါကြောင့်လည်း ဆော်ဒီတို့က လက်ရှိအချိန်မှာကတည်းက နာမည်ကျော်ထိပ်တန်း ကစားသမားတွေကို ငွေကြေးမက်လုံးပေးပြီး အာရှမြေကို လာရောက်ဖို့ ဆွဲဆောင်လျက်ရှိပါတယ်။ ရော်နယ်ဒိုကို ပြီးခဲ့တဲ့ ဆောင်းရာသီ အပြောင်းအရွှေ့မှာ ခေါ်ယူခဲ့တဲ့ ဆော်ဒီတို့ဟာ လက်ရှိနွေမှာလည်း ဘန်ဇီမာ၊ ကန်တေ၊ နီဗက်စ်တို့လို ထိပ်တန်းကစားသမားတွေကို ထပ်မံခေါ်ယူထားပြီးဖြစ်ပါတယ်။

လက်ရှိအချိန်မှာတော့ ဆော်ဒီနဲ့အတူ ပူးတွဲအိမ်ရှင်အဖြစ် ကြိုးစားမယ့် နိုင်ငံတွေထဲက တစ်နိုင်ငံဖြစ်တဲ့ ဂရိက ကမ္ဘာ့ဖလားအိမ်ရှင်ဖြစ်ခွင့် ကြိုးပမ်းမှုကနေ နှုတ်ထွက်ခဲ့ပြီဖြစ်ကြောင်း တရားဝင်ကြေညာခဲ့ပါတယ်။ အဲ့ဒီနောက်မှာတော့ ဆော်ဒီတို့လည်း ဒီပြိုင်ပွဲကနေ နှုတ်ထွက်သွားဖွယ်ရှိကြောင်း ဂရိအခြေစိုက် သတင်းဌာနတွေက အသီးသီး ဖော်ပြခဲ့ပါတယ်။

ဒါ့အပြင် ဆော်ဒီမင်းသားလည်းဖြစ်၊ ဝန်ကြီးချုပ်လည်းဖြစ်တဲ့ မိုဟာမက်ဘင်ဆာလ်မန်က ဂရိတို့အတွက် အားကစားကွင်း တည်ဆောက်မှုအတွက် ကျသင့်တဲ့စရိတ်တွေကိုပါ ကျခံပေးသွားဖို့အတွက် ကတိပေးထားကြောင်း သိရှိရပါတယ်။ လက်ရှိအချိန်မှာတော့ ဂရိက နှုတ်ထွက်သွားတာကြောင့် ဆော်ဒီတို့လည်း နောက်ထပ် (၇) နှစ်အကြာမှာ ကျင်းပမယ့် ကမ္ဘာ့ဖလားပြိုင်ပွဲကို အိမ်ရှင်အဖြစ် လက်ခံကျင်းပခွင့် ကြိုးပမ်းမှုကို ရုပ်သိမ်းသွားဖို့ စီစဥ်နေကြောင်း သတင်းတွေ ထွက်ပေါ်လာတာဖြစ်ပါတယ်။