လှည်းကူးမြို့ ကားလမ်းမပေါ်မှာ မေလ(၃၁)ရက်နေ့ ညပိုင်းက လူတစ်စုက အရက်သေစာသောက်စားပြီး မူးယစ်ကာ ဓားကိုင်ဆောင်ပြီးတော့ လမ်းသွားလမ်းလာတွေကိုတားပြီး အနှောက်ယှက်ပေးနေတာကို ပြည်သူတစ်ဦးက စခန်းကို အကြောင်းကြားခဲ့တယ်လို့ သိရပါတယ်။ လှည်းကူးမြို့မရဲစခန်းမှ တာဝန်ရှိသူတွေအနေနဲ့ အဆိုပါလူအုပ်စုကို သွားရောက်ထိန်းသိမ်းတဲ့အခါမှာ ဓားကိုင်အုပ်စုက ရဲတပ်ဖွဲ့ကိုဓားနဲ့ ပြန်လည်ခုခံခဲ့တာကြောင့် သေနတ်ပစ်ခတ်ဖမ်းစီးခဲ့ရတယ်လို့ လှည်းကူးမြို့မရဲစခန်းမှ စခန်းမှူး ဒုရဲမှူး မောင်ဦးကပြောပါတယ်။

လှည်းကူးမြို့မှာ အခုလိုဓားကိုင်ရမ်းကားတဲ့ ဖြစ်ရပ်က ဒါပထမအဆုံးအကြိမ်ဖြစ်ပွားခဲ့တာပါ။ နယ်မြေလုံခြုံရေးနဲ့ ပက်သက်ပြီး ပြည်သူလူထုကို မှုခင်းကျဆင်းရေးတွေ၊ တရားဥပဒေစိုးမိုးရေးတွေအတွက်ဆွေးနွေးသွားမယ်။ အခုလိုဖြစ်စဉ်တွေကြုံတွေ့ရင် ရဲတပ်ဖွဲ့ကို အချိန်မီ အကြောင်းကြားဖို့ စတာတွေကို အသိပညာပေးလုပ်ငန်းတွေဆောင်ရွက်သွားမယ်လို့ လှည်းကူးမြို့မစခန်းမှူးက ပြောပါတယ်။