ဒါဟာ ဆုဖလား ၃ လုံးလမ်းကြောင်းပေါ်ကနေ ဘာကာတို့ တလအတွင်းမှာပဲ ဆုဖလားနှစ်လုံး လက်လွှတ်ရနိုင်တဲ့ အနေအထားဖြစ်ပါတယ်။ လာလီဂါမှာ ရီးရဲလ်မက်ဒရစ်ကို ၇ မှတ်ဖြတ်ထားပေမယ့် ပွဲကစားဖို့က ၁၀ ပွဲကျော်ကျန်သေးလို့ ဘာမဆိုဖြစ်သွားနိုင်ပါတယ်။ ကိုပါဒယ်ရေးမှာကလည်း ရီးရဲလ်နဲ့မှ တွေ့ဆုံနေလို့ ဘာကာအတွက်တော့ ခက်ခဲတဲ့အချိန်ဖြစ်နေပါတယ်။ 

လီဝန်ဒေါစကီးက အသင်းအတွက် ပြိုင်ပွဲစုံ ၂၅ ဂိုးသွင်းယူပေးထားပြီး သူသာ မပါဝင်နိုင်ဘူးဆိုရင် ဘာကာတိုက်စစ်ပိုင်းမှာ ဂိုးသွင်းနိုင်မယ့်သူ မရှိသလောက်ဖြစ်သွားမှာပါ။ ဒမ်ဘီလီကလည်း အနားယူနေရပြီး အန်ဆူဖာတီက ခြေစွမ်းကျနေလို့ ဂိုးရဖို့အတွက်ဆိုရင် ရာဖင်ဟာကိုပဲ အားကိုးရဖွယ်ရှိနေပြီး ဒီပြသနာကို ဇာဗီက ဖြေရှင်းရတော့မှာပါ။ လီဝန်ဒေါစကီးအပြင် ပီဒရီလည်း ပါဝင်နိုင်မှာမဟုတ်လို့ အဓိကကစားသမားတွေကို သူတို့လက်လွှတ်ရမှာပါ။

ရီးရဲလ်မက်ဒရစ်ကလည်း လာလီဂါအမှတ်ပေးဖလားအတွက် လက်မလျှော့သေးဘူးလို့ ဆိုထားပါတယ်။ ဒါပေမယ့် ၇ မှတ်အကွာကို လိုက်မီဖို့ဆိုတာကလည်း တော်တော်လေးကြိုးစားရမှာပါ။ ဒါကြောင့် အနီးစပ်ဆုံးဖြစ်နေတဲ့ ကိုပါဒယ်ရေးဖလားကို အားစိုက်လာမှာ သေချာနေပြီး ဘာကာအခက် ရီးရဲလ်အချက်ဖြစ်နေချိန်မှာ အခွင့်အရေးကို လက်လွှတ်ခံမှာမဟုတ်တာတော့ သေချာပါတယ်။