အက်ဖ်အေဗိုလ်လုပွဲမှာ အနိုင်ကစားဖို့အတွက် ပြောဆိုခဲ့တာပါ။

မန်ချက်စတာယူနိုက်တက်အသင်းရဲ့ ဂိုးသမား ဒ​ေးဗစ်ဒီဂီယာက အက်ဖ်အေဖလားဗိုလ်လုပွဲကို တက်ရောက်နိုင်ခဲ့ပြီးနောက် သူတို့အသင်းအနေနဲ့ အောင်မြင်မှုတွေကို ဆာလောင်နေတုန်းပဲလို့ ပြောဆိုလိုက်ပါတယ်။ စပိန်ဂိုးသမားဟာ မနေ့ညက ကစားခဲ့တဲ့ ဘရိုက်တန်နဲ့ ဆီမီးဖိုင်နယ်ပွဲမှာ ပွဲချိန်အတွင်း လက်စွမ်းပြကာကွယ်မှုတချို့ကို ပြုလုပ်နိုင်ခဲ့ပါတယ်။ ဒါပေမယ့် ပင်နယ်တီအဆုံးအဖြတ်မှာ ထုံးစံအတိုင်း မကာကွယ်နိုင်ခဲ့ဘဲ မာ့ချ်ရဲ့ ကန်ချက် ဘားတန်းကျော်သွားလို့သာ ယူနိုက်တက်တို့ အနိုင်ရရှိခဲ့တာပါ။ 

ဒီလို ဗိုလ်လုပွဲတက်ရောက်နိုင်ခဲ့လို့ အဲရစ်တန်ဟက်ဂျ်ရဲ့ အသင်းဟာ ပြည်တွင်းဖလားပြိုင်ပွဲ ၂ ခုစလုံးမှာ ဗိုလ်လုပွဲတက်ရောက်နိုင်ခဲ့ပြီး ကာရာဘောင်ဖလားကိုတော့ ဆွတ်ခူးထားပြီးဖြစ်ပါတယ်။ အက်ဖ်အေဖလားကို ဆွတ်ခူးနိုင်ခဲ့မယ်ဆိုရင် သူ့ရဲ့ ယူနိုက်တက်နည်းပြဘ၀ ပထမဆုံးရာသီမှာပဲ ဖလား ၂ လုံးသိမ်းပိုက်နိုင်မှာဖြစ်ပါတယ်။ 


ပွဲအပြီးမှာ ဒီဂီယာက "အရမ်းကို ခက်ခဲတဲ့ပွဲပါပဲ၊ အရမ်းကောင်းတဲ့အသင်းတသင်းနဲ့ ရင်ဆိုင်ခဲ့ရတာပါ၊ ပင်နယ်တီအတွက် ကျနော်တို့ အများကြီးပြင်ဆင်ခဲ့ပါတယ်၊ ကန်သွင်းမယ့်သူတွေကို ဖိအားပေးနိုင်ဖို့ ကျနော် ကြိုးစားခဲ့ပြီး ပင်နယ်တီကန်သွင်းခဲ့တဲ့ ကျနော်တို့ကစားသမားတွေကလည်း ပြီးပြည့်စုံမှုအပြည့်ရှိခဲ့ပါတယ်"


"ကျနော်တို့ နောက်ထပ်ဗိုလ်လုပွဲတခုကို ရောက်ခဲ့ပါပြီ၊ ဒါပေမယ့် ကြာသပတေးနေ့မှာ စပါးနဲ့ ပွဲကြီးပွဲကောင်းကစားရပါဦးမယ်၊ ဒါကြောင့် အခု အိမ်ကိုပြန်ပြီးတော့ အဲဒီပွဲအမီ ကြံ့ခိုင်မှုပြည့်၀အောင် ကြိုးစားပြီး နောက်ထပ်ပြင်ဆင်ရပါဦးမယ်၊ ဗိုလ်လုပွဲကတော့ လိုပါသေးတယ်၊ ဥရောပရဲ့ အကောင်းဆုံးအသင်းတသင်းနဲ့ ရင်ဆိုင်ရမှာဖြစ်ပေမယ့်လည်း သူတို့ကို အနိုင်ယူနိုင်တယ်ဆိုတာကို ကျနော်တို့ သက်သေပြပြီးသားပါ၊ ဆုဖလားတလုံး ရယူထားနိုင်ပြီး နောက်ထပ်ဗိုလ်လုပွဲကို တက်ရောက်ထားသလို ထိပ်ဆုံးလေးသင်းစာရင်းထဲမှာလည်း ကျနော်တို့ရှိနေပါတယ်"

"ဒီလောက်နဲ့ မလုံလေက်ဘူးဆိုတာ သိပေမယ့် ဒါက ပြီးခဲ့တဲ့ရာသီကထက်စာရင် ရှေ့ကိုတလှမ်းတိုးနိုင်ခဲ့တာပါ၊ ဒီတိုးတက်မှုကို ထိန်းသိမ်းထားရပါမယ်၊ ကျနော်တို့မှာ ပွဲကောင်းတွေကစားဖို့ရှိနေသ​ေးပြီး အသင့်ဖြစ်နေဖို့ လိုပါတယ်" လို့ ဒီဂီယာက ပြောဆိုသွားခဲ့ပါတယ်။ ဒီဂီယာကတော့ ဒီရာသီ ပရီးမီးယားလိဂ်မှာ ပေးဂိုးမရှိပွဲအများဆုံးဂိုးသမားအဖြစ် ၁၄ ပွဲနဲ့ ရပ်တည်နေတာဖြစ်ပါတယ်။ 


Share

Loading Next Article...
က္က