ဒီပွဲရဲ့ ပွဲကစားချိန် (၂) မိနစ်မှာတင် လီဗာပူးတို့ ဝုလ်ဗ်ရဲ့ဦးဆောင်ဂိုးကို ခွင့်ပြုခဲ့ရတာပါ။ ဒါပေမယ့် မာနေးက ချေပဂိုးပြန်သွင်းနိုင်ခဲ့ပါတယ်။ တဖက်မှာတော့ အက်စတွန်ဗီလာက မန်စီးတီးကို နှစ်ဂိုးပြတ်နဲ့ ဦးဆောင်ထားပြီး လီဗာပူးကသာ တဂိုးထပ်သွင်းလိုက်ရင် ချန်ပီယံဆုက လီဗာပူးလက်ထဲ ရောက်လာမှာပါ။

ဒါပေမယ့် မန်စီးတီးက ချေပဂိုးနဲ့အနိုင်ဂိုးတွေသွင်းပြီး ၃-၂ ဂိုးဖြစ်သွားပြီးချိန်မှ ဆာလာရဲ့ သွင်းဂိုးကြောင့် လီဗာပူးတို့ ၂-၁ ဂိုးနဲ့ ဦးဆောင်နိုင်ခဲ့ပါတယ်။ ဆာလာဂိုးသွင်းပြီး တမိနစ်ဝန်းကျင်ခန့်မှာတင် လီဗာပူးပရိသတ်တွေဟာ သူတို့ဘာသူတို့ လက်ခုပ်တွေတီး၊ အချင်းချင်းပွေ့ဖက်ရင်း အောင်ပွဲခံခဲ့ကြပါတယ်။

အဲ့ဒီနောက်မှာတော့ လီဗာပူးပရိသတ်တွေက အရင်လိုပုံမှန်အတိုင်း ပြန်ဖြစ်သွားခဲ့ပြီး သူတို့ သတင်းအမှားရရှိခဲ့တာကို သိရှိသွားပုံပါပဲ။ ဒီပွဲမှာ လီဗာပူးအတွက် လူစားဝင်လာပြီး ဂိုးသွင်းခဲ့တဲ့ ဆာလာကလည်း မန်စီးတီးအနိုင်မရရှိသေးဘူးအမှတ်နဲ့ အကြီးအကျယ် အောင်ပွဲခံခဲ့ပါသေးတယ်။

အဲ့ဒီအချိန်မှာ လီဗာပူးပရိသတ်တွေက ဆာလာကို မန်စီးတီးက ဗီလာကို ၃-၂ ဂိုးနဲ့ ဦးဆောင်ထားတဲ့အကြောင်း သတိပေးခဲ့ရပါတယ်။ လီဗာပူးအတွက်တော့ ဒီရာသီက မပြီးဆုံးသေးပါဘူး။ လာမယ့်အပတ်မှာ ရီးရဲလ်မက်ဒရစ်နဲ့ ချန်ပီယံလိဂ်ဗိုလ်လုပွဲအဖြစ် ပဲရစ်မြို့မှာ ရင်ဆိုင်ကစားရဦးမှာဖြစ်ပါတယ်။