" နိုင်ငံခြားသားသုံးဦး(လွတ်မြောက်တဲ့အထဲ)ပါပါတယ်၊ လဝကဥပဒေ ၁၃(၁)အရ အရေးယူခံထားရတဲ့ နိုင်ငံခြားသားတွေဖြစ်ပါတယ်၊ ဗီဇာ ဖောက်ဖျက်မှုနဲ့ အရေးယူခံထားရတာပါ၊ သူတို့ကို သမ္မတကြီးက လွှတ်ပေးတာဖြစ်ပါတယ်" လို့ မန္တလေး ဗဟိုအကျဉ်းထောင် တာဝန်ခံအရာရှိ ဦးချိုဝင်းထွန်းက Duwun ကို ပြောပါတယ်။
နှစ်သစ်အခါသမယမှာ နိုင်ငံတော်သမ္မတက မြန်မာနှစ်သစ်မင်္ဂလာအခါသမယ အထိမ်းအမှတ်အားဖြင့်လည်းကောင်း၊ နိုင်ငံအချင်းချင်း မိတ်ဝတ်မပျက် ဆက်ဆံရေးကို ရှေးရှုသောအားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း၊ အကျဉ်းထောင်အသီးသီးမှာ အကျဉ်းကျခံနေကြရတဲ့ နိုင်ငံခြားသားအကျဉ်းသား ၁၆ ဦးအား ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)အရ စည်းကမ်းသတ်မှတ်ချက်မထားဘဲ လွတ်ငြိမ်းသက်သာခွင့်နဲ့ ပြည်နှင်ဒဏ်ပေးလိုက်ရာမှာ မန္တလေးဗဟိုအကျဉ်းထောင်ကနေ တရုတ်နိုင်ငံသားအကျဉ်းသားတွေလည်း ပါဝင်ခဲ့တာဖြစ်ပါတယ်။
ဒီကေန့ နိုင်ငံတော်သမ္မတလွတ်ငြိမ်းချမ်းသာခွင့်နဲ့ မန္တလေးတိုင်းဒေသကြီးအတွင်း မန္တလေးဗဟိုအကျဉ်းထောင်မှ အမျိုးသား ၃၉၈ ဦး နဲ့ အမျိုးသမီး ၃၉ ဦး စုစုပေါင်း ၄၃၇ ဦး၊ မိတ္ထီလာအကျဉ်းထောင်မှ အမျိုးသား ၅၅ ဦး နဲ့ အမျိုးသမီး ၂ ဦး စုစုပေါင်း ၅၇ ဦး၊ မြင်းခြံထောင်မှ အမျိုးသား ၃၂ ဦး နဲ့ အမျိုးသမီး ၂ ဦး စုစုပေါင်း ၃၄ ဦး၊ ရမည်းသင်းအကျဉ်းထောင်မှ အမျိုးသား ၈၆ ဦး နဲ့ အမျိုးသမီး ၇ ဦး စုစုပေါင်း ၉၃ ဦး၊ ညောင်ဦးအကျဉ်းထောင်မှ အမျိုးသား ၁၆ ဦး၊ ထုံးဘို(၁)အကျဉ်းစခန်းမှ အမျိုးသား ၁၀၇ ဦး၊ ထုံးဘို(၂)အကျဉ်းစခန်းမှ အမျိုးသား ၇၃ ဦး၊ ထုံးဘိုအမျိုးသမီးကအကျဉ်းစခန်းမှ အမျိုးသမီး ၇၃ ဦး၊ ဘဲလင်း(၁)အကျဉ်းစခန်းမှ အမျိုးသား ၉၀ ဦး၊ ဘဲလင်း(၂)အကျဉ်းစခန်းမှ အမျိုးသား ၇၃ ဦး၊ ၂၄ မိုင်အကျဉ်းစခန်းမှ အမျိုးသား ၅၇ ဦး၊ ဘုရားငါးဆူအကျဉ်းစခန်းမှ အမျိုးသား ၉၉ ဦး၊ စုစုပေါင်းအကျဉ်းစခန်း ၁၂ ခုမှ အမျိုးသား ၁၀၈၈ ဦး နဲ့ အမျိုးသမီး ၁၂၃ ဦး၊ စုစုပေါင်းအကျဉ်းသား ၁၂၁၁ ဦး ပြန်လွှတ်ပေးခဲ့ပါတယ်။