မက်ဆီမပါဝင်တဲ့ အင်တာမိုင်ယာမီတို့ ဟူစတန်ကို လုံး၀မယှဉ်နိုင်ခဲ့ပါဘူး။ ပွဲစကတည်းက ဟူစတန်က တောက်လျှောက်ဖိအားပေးကစားခဲ့ပြီး တဒိုင်းဒိုင်းကန်သွင်းနေခဲ့တာပါ။ အင်တာမိုင်ယာမီက အဖက်ဖက်က အားနည်းခဲ့ပြီး ပြိုင်ဘက်ရဲ့ နေရာစုံက ထိုးဖောက်မှုတွေကို ခံခဲ့ရပြီးနောက် ဘယ်လိုမှတောင့်မခံနိုင်ဘဲ ဂိုးတွေပေးခဲ့ရပါတော့တယ်။ 

ပွဲကစားချိန် ၂၄ မိနစ်နဲ့ ၃၃ မိနစ်တွေမှာ ဟူစတန်က ဂိုးတွေဆက်တိုက်သွင်းခဲ့တာပါ။ အဲဒီမတိုင်ခင်မှာလည်း အပိုင်ကန်သွင်းခွင့်တွေရခဲ့ပြီး မိုင်ယာမီဂိုးသမားကာကွယ်ပုံကောင်းနေခဲ့လို့သာ ဂိုးမပေးခဲ့ရတာပါ။ ပထမပိုင်းမှာတင်ပဲ အင်တာမိုင်ယာမီတို့ ၂-၀ နဲ့ အရေးနိမ့်ခဲ့ပါတယ်။ 

ဒါတောင် ဟူစတန်က မိနစ် ၇၀ ကျော်မှာ နောက်တဂိုးထပ်သွင်းခဲ့ပေမယ့် လူကျွံနေခဲ့လို့သာ ဂိုးမပေးခဲ့ရတာပါ။ အင်တာမိုင်ယာမီဟာ တပွဲလုံးမှာ ဂိုးပေါက်တည့်မတ်မှုကလည်း အရမ်းနည်းပါးခဲ့ပြီး ကြီးမားတဲ့ခြိမ်းခြောက်မှုတောင် မလုပ်နိုင်ခဲ့ပါဘူး။ ပွဲပြီးခါနီးမှာ သူတို့ ညှစ်ကစားခဲ့တဲ့နောက် ချေပဂိုးတဂိုးပြန်ရခဲ့လို့ ၁-၂ နဲ့ အရေးနိမ့်ကာ ဆုဖလားတလုံးလက်လွှတ်လိုက်ရပါတယ်။