နန့်တက်စ်ကို ရှုံးနိမ့်တဲ့ပွဲမှာ လွဲချော်ခဲ့တာပါ။

ရီးရဲလ်မက်ဒရစ်ကို အနိုင်ယူအပြီး ၄ ရက်အကြာမှာပဲ ပီအက်စ်ဂျီတို့ ရှုံးပွဲပြန်တွေ့သွားခဲ့တာပါ။ ၃ ဂိုးပြတ်နဲ့ကို အရေးနိမ့်နေခဲ့ပြီး​ နေမာရဲ့ ချေပဂိုးကြောင့် အဝေးကွင်းမှာ သိက္ခာဆယ်ဂိုးလေးရပြီး အမှတ်ဗလာနဲ့ အိမ်ပြန်လာခဲ့ရတာလည်းဖြစ်ပါတယ်။ နန့်တက်စ်ကတော့ ထူးရှယ်ခြေစွမ်းပြပြီး မက်ဆီ၊ နေမာနဲ့ ဘတ်ပီတို့ ပါဝင်လာတဲ့ ပီအက်စ်ဂျီကို ပညာပေးပြန်လွှတ်လိုက်တာပါ။ 

၃-၀ ဖြစ်ခဲ့ပြီးနောက် နေမာက မက်ဆီရဲ့ ဖန်တီးပေးမှုကနေ ချေပဂိုးတဂိုးပြန်သွင်းပေးခဲ့ပါတယ်။ ဒါက ပီအက်စ်ဂျီအတွက် မျှော်လင့်ချက်တစဖြစ်ခဲ့ပြီး ပင်နယ်တီပါ ထပ်ရခဲ့ချိန်မှာတော့ သူတို့အတွက် ပိုပြီးတော့ မျှော်လင့်ချက်အားကောင်းခဲ့တာပါ။ ဒါပေမယ့် ဒီပင်နယ်တီကို နေမာ ကန်သွင်းရာမှာတော့ နန့်တက်စ်ဂိုးသမားက အေးအေးဆေးဆေးဖမ်းဆီးနိုင်ခဲ့ပြီး ၃-၂ ဖြစ်ရမယ့် အခွင့်အရေးကို ဆုံးရှုံးခဲ့ရပါတယ်။ 

ဒါဟာ ရီးရဲလ်နဲ့ပွဲမှာ မက်ဆီပင်နယ်တီလွဲချော်အပြီး နေမာကပါ ဆက်ပြီးလွဲချော်ခဲ့တာပါ။ ကန်သွင်းတဲ့ဘက်လည်းအတူတူပဲဖြစ်ပြီး ဂိုးသမားတွေကာကွယ်ခဲ့တာကလည်း ထူးထူးခြားခြားဆိုသလို တိုက်ဆိုင်နေခဲ့ပါတယ်။ နေမာရဲ့ ကစားသမားဘ၀မှာ အဆိုးရွားဆုံး ပင်နယ်တီကန်သွင်းချက်လို့တောင် သတ်မှတ်ခံနေရပြီး နန့်တက်စ်ဂိုးသမားအတွက် ဘာစိတ်လှုပ်ရှားစရာမှမရှိဘဲကို ကာကွယ်နိုင်ခဲ့တာဖြစ်ပါတယ်။ 


ဒီပွဲအရေးနိမ့်ခဲ့လို့ ပီအက်စ်ဂျီအတွက် စိတ်ပူစရာမရှိဘဲ ဒုတိယနေရာက မာဆေးလ်ကို ၁၃ မှတ်အထိ ဖြတ်တောက်ထားဆဲဖြစ်ပါတယ်။ ဒါပေမယ့် ကမ္ဘာ့အကောင်းဆုံးတွေစုဝေးနေတဲ့ အသင်းတသင်းက ဂိုးပြတ်ရှုံးနိမ့်ခဲ့လို့ မျက်နှာပျက်စရာတော့ဖြစ်ခဲ့ရပါတယ်။ ပိုချက်တီနိုက သူအသင်းကို တည်ငြိမ်အောင်မလုပ်နိုင်သေးဘူးဆိုတာ ထင်ရှားခဲ့ပြီး နည်းပြအတွက်တော့ ဖိအားတွေရှိလာခဲ့ပါပြီ။ 

Share

က္က