COVID-19 Positive လူနာ တွေ့ရှိခဲ့တဲ့ မင်္ဂလာတောင်ညွှန့်မြို့နယ်မှာ နေ့လယ် ၃ နာရီ ည ၁၁ နာရီအထိ ကုန်စုံရောင်းချတဲ့ ဈေးတန်းကြီးကို ပိတ်သိမ်းသွားမှာဖြစ်ပြီး စားသောက်ဆိုင်တွေမှာလည်း

ပါဆယ်စနစ်နဲ့သာ ဝယ်ယူခွင့်ရတော့မယ်လို့ သတင်းထုတ်ပြန်ကြေညာလိုက်ပါတယ်။

ဒီကြေညာချက်ဟာ မတ်လ ၂၈ ရက်ကနေ နောက်ထပ် ၁၄ ရက်အထိ အကျုံးဝင်မှာဖြစ်ပြီး မြန်မာ့ဂုဏ်ရည်လမ်း၊အာသောကလမ်း၊ လွတ်လပ်ရေးရ

ပ်ကွက်က ဗိုလ်မင်းရောင်လမ်း၊အာသားလမ်း၊ ကွက်သစ်လမ်းပေါ်မှာရှိတဲ့ ပျံကျဈေးတန်းကြီးမှာ ရှိတဲ့ ဈေးသည်တွေအားလုံးကို လုံးဝရောင်းချခွင့်မပေးတော့သလို

" ဒီနေရာတွေက လူတွေက တစ်ယောက်နဲ့တစ်ယောက်တိုးဝှေ့ပြီးတော့ အမြဲတမ်းသွားလာနေတဲ့နေရာတွေဖြစ်နေတယ်။ အဲဒီလိုနေရာမျိုးမှာ ကျွန်တော်တို့လူနာကို မတွေ့သေးဘဲ ကိုယ့်ကိုကိုယ် ကူးစက်ထားတယ်ဆိုတာကို 

မသိသေးတဲ့ လူတစ်ယောက်ဝင်လာတယ်ဆိုရင်ပဲ လူပေါင်းရာနဲ့ချီပြီး ရောဂါကူးစက်သွားမှာဖြစ်တယ်။ အဲဒါကြောင့် အဲဒီလိုမျိုးတွေမဖြစ်ဖို့ ကျွန်တော်တို့က ကြိုတင်ကာကွယ်ရေးတွေကိုအားစိုက်ပြီးလုပ်နေတာပါ။"လို့ ဦးလှဌေးက ပြောပါတယ်။

မင်္ဂလာတောင်ညွှန့်မြို့နယ်မှာ COVID-19 Positive အတည်ပြုလူနာတွေ့ရှိပြီးတဲ့နောက် ဆက်ပြီး မပြန့်ပွားအောင် ကာကွယ်တဲ့အနေနဲ့ အခုလို လုပ်ဆောင်တာဖြစ်တယ်လို့လည်းဆိုပါတယ်။

လက်ရှိရန်ကုန်တိုင်းအတွင်းက မြို့နယ်တစ်ချို့မှာ COVID-19 နဲ့ပတ်သက်ပြီးတော့ သက်ဆိုင်ရာ မြို့နယ်အလိုက် ဒေသန္တရ အမိန့်တွေ ထုတ်ပြန်ကြေညာတာမျိုးတွေ၊ ရောဂါနဲ့ ပတ်သက်ပြီး ကြိုတင်ကာကွယ်ရေးလုပ်ငန်းတွေအနေနဲ့ ပြည်ပက ပြန်လာတဲ့သူတွေအနေနဲ့သတင်း

ပို့ဖို့၊သံသယလက္ခဏာတွေ့ရှိရင် ချက်ချင်းအကြောင်းကြားဖို့၊ အများပြည်သူစိုးရိမ်ထိတ်လန့်စေတဲ့သတင်းအမှားတွေ မဖြန့်ဝေဖို့ စတဲ့ ကြေညာချက်တွေကိုလည်း မြို့နယ်တွေအလိုက် ထုတ်ပြန်ထားတာတွေ ရှိနေပါတယ်။

မြန်မာနိုင်ငံမှာ COVID-19 positive လူနာ (၅) ဦးရှိနေပြီး ရန်ကုန်မှာ (၃)ဦး၊ မန္တလေးမှာ (၁) ဦးနဲ့ ချင်းပြည်နယ်မှာ (၁) ဦးတို့ဖြစ်တယ်လို့သိရပါတယ်။