ပြေတီဦးက မကြာသေးခင်က မိခင်ဖြစ်သူအပါအဝင် မောင်နှမ ၃ ယောက်အတူတူ ဘန်ကောက်ကို ခရီးထွက်ခဲ့ကြတယ်လို့ ဆိုပါတယ်။ အဲဒီနောက် နေမကောင်းဖြစ်နေတဲ့ မိခင်ကိုပါ ဆေးကုသပေးခဲ့ပြီး မိသားစု ပျော်ပျော်ရွှင်ရွှွင် ဖြတ်သန်းခဲ့ရတဲ့ အမှတ်တရတွေကို Duwun media ကနေတဆင့် ပြောပြလာပါတယ်။

Photo: Pyay Ti Oo

Photo: Pyay Ti Oo

ပြေတီဦးဟာ မောင်နှမ သုံးယောက်ထဲကမှ သားအလတ်ဖြစ်ပါတယ်။ သူ့ရဲ့ အထက်မှာ အစ်မတစ်ယောက်ရှိသလို သူ့ရဲ့ အောက်မှာလည်း ညီမလေးတစ်ယောက်ရှိပါတယ်။ မကြာခဏဆိုသလို မောင်နှမတွေ ဆုံဖြစ်တယ်လို့လည်း ပြောပါတယ်။

Photo: Pyay Ti Oo

ပြေတီဦး (Pyay Ti Oo) ဟာ ၁၉၇၈ခုနှစ် နိုဝင်ဘာ(၃၀)ရက်နေ့မှာ မွေးဖွားခဲ့တာဖြစ်ပြီး သားသမီးသုံးယောက်ထဲမှာ အလတ်တစ်ယောက် ဖြစ်ပါတယ်။ ပြေတီဦးဟာ စက်မှုတက္ကသိုလ်ကျောင်းသားဘဝထဲက သရုပ်ဆောင်ပညာကို ဝါသနာပါခဲ့သူပါ။ ၁၉၉၈ ခုနှစ်လောက်မှာ မြန်မာ့အသံနဲ့ ရုပ်မြင်သံကြား (MRTV) က ပြုလုပ်တဲ့ သရုပ်ဆောင်ရွေးချယ်ပွဲ အစီအစဉ်မှာ ရွေးချယ်ခံခဲ့ရပြီးတဲ့နောက် MRTV က ထုတ်လွှင့်တဲ့ ဇာတ်လမ်းတိုတွေနဲ့ မြန်မာစာမြန်မာစကား အစီအစဉ်မှာ ပါဝင်ခွင့်ရခဲ့ပါတယ်။

အဲဒီနောက် သူ့ကို ၂၀၀၀ ပြည့်နှစ်များ အလယ်လောက်မှ ဗီဒီယိုဇာတ်ကားတွေမှာ ခေါင်းဆောင်မင်းသားအဖြစ် ပြန်လည် မြင်တွေ့ရကာ ပရိသတ်ရဲ့ နှစ်ခြိုက်လက်ခံမှုကို ရရှိလာခဲ့ပါတယ်။ ပြေတီဦးဟာ ၂၀၁၀ ခုနှစ် မှာ ”အာဒံရယ်၊ ဧဝရယ်၊ ဒဿရယ်” ၊ ၂၀၁၂ ခုနှစ်မှာ “လက်ပံ”၊ ၂၀၁၃ ခုနှစ်မှာ ”နင်စေရင်”၊ ၂၀၁၄ ခုနှစ်” မှာ နှလုံးသားဖြင့်ပြုလုပ်သည်” စတဲ့ ရုပ်ရှင်ဇာတ်ကားတွေနဲ့ အကောင်းဆုံး အမျိုးသားဇာတ်ဆောင်ဆုကို ရရှိခဲ့သူ တစ်ဦးဖြစ်ပါတယ်။