သူမရဲ့ အချစ်ရေးနဲ့ ပတ်သက်ပြီး ပရိသတ်တွေကို အမြဲတမ်း ပွင့်ပွင့်လင်းလင်းပြောပြတတ်တဲ့ သရုပ်ဆောင် မြတ်သူကတော့ သူမမင်္ဂလာဆောင်တော့မယ့် အကြောင်းကိုလည်း ပရိသတ်တွေကို အသိပေးခဲ့ပါတယ်။
Photo : aroma
သရုပ်ဆောင် မြတ်သူသူကတော့ သူမရဲ့ ချစ်သူနဲ့ရွှေလက်တွဲတော့မယ့် အကြောင်း ပရိသတ်တွေကို ပြောပြလာပါတယ်။ သူမရဲ့ လူကူကွန်ယက် ဖေ့စ်ဘွတ်စာမျက်နှာပေါ်မှာ မင်္ဂလာဆောင် ဖိတ်စာကို ဓာတ်ပုံရိုက်ထားပြီး “အားလုံးကို ဖိတ်ဖို့အဆင်မပြေတာမို့ ထပ်တူဝမ်းသာရအောင်ပဲ အသိပေးပါရစေရှင်” လို့ ပြောထားတာပါ။
သူမဟာ ချစ်သူများနေ့က ချစ်သူဆီကနေ အနုပညာမောင်နှမတွေရှေ့မှာ လက်ထပ်ခွင့်တောင်းခြင်း ခံခဲ့ရပြီး ချိန်ကစလို့ မင်္ဂလာပွဲအတွက် လိုအပ်တာတွေ ပြင်ဆင်လျက်ရှိကာ Pre Wedding ဓာတ်ပုံများကိုလည်း သူမရဲ့ ပေ့ချ်မှာ တင်ထားတာကြောင့် မကြာခင် မင်္ဂလာပွဲ ကျင်းပတော့မယ့် အကြောင်း ပရိသတ်တွေက ကြိုတင်သတိပြုမိနေကြတာပါ။
Photo : မြတ်သူသူ
မြတ်သူသူရဲ့ မင်္ဂလာပွဲကိုတော့ နိုဗိုတယ်ဟိုတယ်မှာ ကျင်းပပြုလုပ်သွားမှာ ဖြစ်တယ်လို့ သိရပါတယ်။ သူမရဲ့ ပရိသတ်တွေကတော့ သူမရဲ့ မင်္ဂလာသတင်းကြားပြီး ဝမ်းသာပီတိ ဖြစ်လို့နေကြပါတယ်။
မြတ်သူဟာ သူမရဲ့ အချစ်ရေးနဲ့ပတ်သက်ပြီး ပရိသတ်တွေကို ၂၀၂၂ခုနှစ် နှစ်ကုန်လောက်မှာ အသိပေးခဲ့တာ ဖြစ်သလို အသိပေးပြီးနောက်ပိုင်းမှာ ဝေဖန်မှုတွေ ရှိခဲ့ပေမယ့် အခုချိန်မှာတော့ သူမရဲ့ အချစ်ရေးနဲ့ ပတ်သတ်ပြီး ပရိသတ်တွေ ရဲ့ အားပေးမှုကို ပြန်လည် ရရှိထားနေသူပါ။
အချစ်ရေးနဲ့ ပတ်သက်ပြီးသူမရဲ့ ခံယူချက်လေးကိုလည်း ယခုလို ပြောပြခဲ့ဖူးပါသေးတယ်။”မိန်းကလေး ဖြစ်စေ၊ ယောကျ်ားလေး ဖြစ်စေ ကိုယ့်ဘက်က စိတ်ရင်းမှန်နဲ့ ချစ်ပေး နားလည်ပေးသင့်သလောက် နားလည်ပေးပေ့ါ နော်၊ ရေစက်တွေ ရှိနေသ၍ ကိုယ့်စိတ်ကလည်း မှန်နေသ၍ ဒီလူတစ်ယောက်က တော်ရုံတန်ရုံခွဲခွာ သွားကြမှာတော့ မဟုတ်ပါဘူး” တဲ့။
Photo : မြတ်သူသူ
မြတ်သူသူ ကို ပရိသတ်တွေက ဝိညာဉ်ရှိုက်သံ၊ ဝင်္ကပါစံအိမ်၊ ရတနာထဲကရတနာ စတဲ့ ရုပ်သံဇာတ်လမ်းတွဲတွေကနေတဆင့် ပရိသတ်တွေ စတင်သိရှိလာကြတာပါ။ အဲဒီနောက် ‘’ပျားရည်အိုင်’’ ရုပ်သံဇာတ်လမ်းတွဲထဲမှာ ‘’မြညို’’ ဆိုတဲ့ ဇာတ်ကောင်နဲ့ ပရိသတ်တွေ ပိုမိုအားပေးလာကြတာ တွေ့ရပါတယ်။ အခုချိန်ထိလည်း ရုပ်သံဇာတ်လမ်းတွဲတွေ ရိုက်ကူးရင်း ပရိသတ် အခိုင်အမာ ရရှိလာသူ ဆိုရင်လည်း မမှားပါဘူး။ လက်ရှိ MRTV-4 ကနေ ထုတ်လွှင့်နေတဲ့ "တို့ မမနဲ့ တို့" ရုပ်သံဇာတ်လမ်းတွဲမှာလည်း မြတ်သူသူက သန်းသန်းဆွေ ဆိုတဲ့ မိန်းကလေး တစ်ယောက်အဖြစ် ပါဝင်သရုပ်ဆောင်ထားတာ တွေ့ရပါတယ်။