ဘတ်ပီရဲ့ ပြောဆိုမှုတွေက အသင်းဖော်တွေကိုလည်း ဒေါသထွက်စေခဲ့ပြီး အသင်းဥက္ကဌဆီကိုပါ တိုင်စာပို့တဲ့အထိ ဖြစ်ခဲ့ပါတယ်။ ပြင်သစ်တိုက်စစ်မှူးဟာ အသင်းမှာ တနှစ်ဆက်ကစားမယ်၊ ဒါပေမယ့် စာချုပ်သစ်မချုပ်တော့ဘူးလို့ ပြောဆိုထားပြိး အသင်းဘက်ကတော့​ ဆက်နေရင် စာချုပ်ချုပ်၊ စာချုပ်မချုပ်ရင် အသင်းပြောင်းဆိုပြီး ပြန်တုံ့ပြန်ထားကာ နှစ်ဦးနှစ်ဖက် တင်းမာနေခဲ့ကြပါတယ်။

အခု လီယိုနာဒိုက ဘတ်ပီမရှိရင် သူတို့ ချန်ပီယံလိဂ်ဖလားရနိုင်တယ်လို့ ပြောဆိုပြီး တုံ့ပြန်ခဲ့တာပါ။ သူက " ဘတ်ပီမရှိရင် ကျနော်တို့ ချန်ပီယံလိဂ်ဖလားရဖို့ ဖြစ်နိုင်ပါတယ်၊ ဘာလို့လဲဆိုရင် သူ ဒီမှာ ကစားတာ ၆ နှစ်ရှိပါပြီ၊ အဲဒီ ၆ နှစ်အတွင်း ချန်ပီယံလိဂ်ဖလားကို မတူညီတဲ့ အသင်း ၅ သင်းက ဆွတ်ခူးခဲ့တာပါ၊ အဲဒီအသင်းတွေမှာ ဘတ်ပီမရှိဘူးလေ"

လက်ရှိမှာ ဘတ်ပီက ကင်မရွန်းကို ခရီးထွက်နေပြီး သူ ပြန်ရောက်လာချိန်မှာ အပြောင်းအရွှေ့အတွက် ဘာတွေဆက်လုပ်မလဲဆိုတာ သိရမှာပါ။ ဘတ်ပီကို ရီးရဲလ်က အလိုရှိနေပေမယ့် အလွတ်ခေါ်ယူနိုင်မယ့် ၂၀၂၄ ကို စောင့်နေပြီး ပီအက်စ်ဂျီကတော့ အလွတ်ထွက်ခွင့်မပေးနိုင်ဘဲ အနည်းဆုံး ယူရိုသန်း ၁၅၀ အထိ ရဖို့ ရည်ရွယ်နေပါတယ်။