ဒါကြောင့်လည်း ပွဲအပြီးမှာ ကွန်တီက တသင်းလုံးကို အပြစ်တင်သွားခဲ့ပါတယ်။ သူကိုယ်တိုင်လည်း ရာသီကုန်ရင် အသင်းကနေ ထုတ်ပယ်ခံရမယ်လို့ သတင်းတွေထွက်နေချိန်မှာ ကွန်တီက မထူးဇာတ်ခင်းခဲ့တယ်လို့ ယူဆရပြီး အသင်းနဲ့ ကစားသမားတွေကို လူသိရှင်ကြားပြစ်တင်ဝေဖန်ခဲ့ကာ စပါးက ဘာလို့အောင်မြင်မှုမရတာလဲဆိုတာကိုပါ ထောက်ပြသွားခဲ့ပါတယ်။ 

"သူတို့က အရေးကြီးတဲ့ အရာအတွက် မကစားချင်ဘူး၊ ဖိအားတွေအောက်မှာလည်း မကစားချင်ပြန်ဘူး၊ ဒီတော့ ခပ်လွယ်လွယ်လေးပဲ ကစားနေကြတယ်၊ တော့တင်ဟမ်စပါးရဲ့ ဇာတ်လမ်းက အဲဒီလိုပါ၊ ကျနော်က ပေါက်ကွဲမှုကို မြင်ချင်တယ်လို့ ပြောခဲ့ပေမယ့် အဲဒါကို မမြင်ခဲ့ရဘူး၊ မင်းတို့ရဲ့ မျက်လုံးထဲ၊ နှလုံးသားထဲမှာ မြင်ချင်တယ်လို့လည်း ပြောခဲ့တယ်"

"တကယ်ကို ကျနော် စိတ်မကောင်းဖြစ်ရပြီး လူတိုင်းက ကိုယ့်တာဝန်ကိုယ်ယူရမှာပါ၊ စပါးကို ပြောင်းလဲချင်ရင် အခုအခြေအနေကို ပြောင်းလဲဖို့ အချိန်ကျနေပါပြီ၊ ဒီပြောင်းလဲမှုမှာ အသင်းတင်မဟုတ်ဘူး၊ နည်းပြ၊ ဝန်ထမ်းတွေနဲ့ ကစားသမားတွေပါ ပါဝင်ရမှာပါ၊ ဒါပေမယ့် ဒီပုံစံပဲသွားနေရင်တော့ နည်းပြတွေပြောင်းမယ်၊ အများကြီးရောက်လာလည်း ပြောင်းလဲမှာမဟုတ်ပါဘူး၊ ကျနော်ပြောတာကို ယုံပါ"

"အသင်းက ပိုက်ဆံတွေ အများကြီး ကျနော်တို့ကို ပေးခဲ့တယ်၊ ကစားသမားတွေ ပိုက်ဆံရတယ်၊ ကျနော်လည်းရတယ်၊ ဒါက ဆင်ခြေတွေပေးဖို့မဟုတ်ဘူး၊ ဘာမှမရှိတဲ့ စိတ်ဓာတ်ပိုင်းကို ပြဖို့၊ တာဝန်ယူမှုမရှိတာကို ပြဖို့မဟုတ်ဘူး၊ ကျနော့်အတွက်တော့ အခုပုံစံတွေက လက်ခံနိုင်စရာမရှိဘူး၊ ဒီလိုအခြေအနေမျိုးကို ကျနော့်နည်းပြဘ၀မှာ ပထမဆုံးမြင်ရတာပဲ" လို့ ကွန်တီက သတင်းစာရှင်းလင်းပွဲမှာ ပြင်းပြင်းထန်ထန်ကို ပြောဆိုသွားခဲ့ပါတယ်။