Mister Tourism World ပြိုင်ပွဲမှာ ဒိုင်အဖြစ် ပါဝင်ရမယ့် ဥက္ကာမင်းမောင်

သူရဲ့ သီချင်းနဲ့လည်း ဖျော်ဖြေခွင့်ရမယ်လို့ ဆိုပါတယ်။

2 years ago

သရုပ်ဆောင် တစ်ယောက်လည်း ဖြစ်၊ Mister Tourism 2016 Winner တစ်ယောက်လည်း ဖြစ်တဲ့ ဥက္ကာမင်းမောင်ဟာ နိုဝင်ဘာလထဲတွင် ဘရာဇီး နိုင်ငံမှာ ကျင်းပပြုလုပ်မယ့် (၇)ကြိမ်မြောက် Mister Tourism World ပြိုင်ပွဲကြီးတွင် ဒိုင်အဖြစ် ပါဝင်သွားရမှာ ဖြစ်တယ်လို့ သိရပါတယ်။

Photo : ဥက္ကာမင်းမောင် FB

Mister Tourism World ပြိုင်ပွဲကြီးမှာ သူ့အနေနဲ့ ဒိုင်အဖြစ်သာမက လက်ရှိမှာ ဖန်တီးနေဆဲဖြစ်တဲ့ သူရဲ့ ဒုတိယသီချင်းခွေထဲက English Song တချို့နဲ့လည်း စင်ပေါ်မှာ ဖျော်ဖြေ သွားရမှာ ဖြစ်လို့ ဥက္ကာမင်းမောင် တစ်ယောက် အရမ်းကို ဝမ်းသာနေသလို အရမ်းပဲ စိတ်လှုပ်ရှားနေပါပြီတဲ့။ သူ့ရဲ့ ပျော်ရွှင်မှုတွေကိုလည်း လူမှုကွန်ယက်စာမျက်နှာပေါ်ကနေ ပရိသတ်တွေအတွက် ယခုလို ဝေမျှထားပါသေးတယ်။

“အခုလာမယ့် လာမယ့် နိုဝင်ဘာလမှာ ၇ ကြိမ်မြောက် ကျင်းပမယ့် Mister Tourism World ပြိုင်ပွဲကို Brazil နိုင်ငံ Rio de Janeiro မြို့မှာကျင်းပမှာဖြစ်ပါတယ်.. ကျွန်တော် ဒိုင်လူကြီးအဖြစ်သွားရောက်ဆောင်ရွက်ဖို့ ဖိတ်ခေါ်သလို အခု လက်ရှိအသံသွင်းနေတဲ့ ဒုတိယ album ထဲက English သီချင်းတချို့နဲ့လဲ ဖျော်ဖြေမှာဖြစ်ပါတယ်.. နိုင်ငံတကာက Live ကြည့်နေမယ့် ပြိုင်ပွဲမှာ ဖျော်ဖြေရမှာဖြစ်တဲ့အတွက် ကျွန်တော် အစစအရာရာ ကြိုတင်ပြင်ဆင် အစွမ်းကုန်ကြိုးစားပါမယ်.. အဲ့အတွက်လဲ ရင်တွေခုန် စိတ်လှုပ်ရှားနေပါပြီ” ဆိုပြီး ပြောထားပါတယ်။

Photo : ဥက္ကာမင်းမောင် FB

ဒါ့အပြင်လွန်ခဲ့တဲ့ (၃)နှစ်ကျော်က American သရုပ်ဆောင်တွေနဲ့ အတူ သူပါဝင်သရုပ်ဆောင်ထားတဲ့ "Shadow of Love" ဇာတ်လမ်းတိုကို ဇာတ်လမ်းရှည် ရုပ်ရှင်ဇာတ်ကားကြီးအဖြစ် ပြောင်းလဲရိုက်ကူးသွားမယ်လို့ ဆိုပါတယ်။

“လွန်ခဲ့တဲ့ ၃ နှစ်ကျော်က American သရုပ်ဆောင်တွေနဲ့ ရိုက်ခဲ့တဲ့ "Shadow of Love" short film က ဇာတ်လမ်းရှည်ရုပ်ရှင်ကားကြီးအဖြစ် ဒီနှစ်ထဲပြောင်းလဲမယ်လို့ ဒါရိုက်တာထုတ်လုပ်သူကပြောပါတယ်..ခေါင်းဆောင်အဖြစ်သရုပ်ဆောင်ရမယ့်အပြင် ကျွန်တော့်အတွက် International တက်လှမ်းခွင့်ရမယ့် ပထမဆုံး English စကားပြောဇာတ်ကားကြီးဖြစ်လာမှာပါ.. ရိုက်ဖို့တော့ လိုပါသေးတယ်။ကျွန်တော် ဝတ္ထုစာအုပ်ရော.. ဒုတိယ album ရော ပရိတ်သတ်လက်ထဲ အမြန်ဆုံးရောက်အောင်ကြိုးစားပါမယ်” ဆိုပြီး သတင်းကောင်းလေးတွေကို ဝေမျှထားတာပါ။

Photo : ဥက္ကာမင်းမောင် FB

ဆက်လက်ပြီးတော့လည်း သူ့ရဲ့ အနုပညာနဲ့ ပတ်သက်ပြီး သတင်းကောင်းလေးတွေကို ပြောပြခဲ့သလို မိခင်ကြီးရဲ့ ကျန်းမာရေးနဲ့ ပတ်သက်ပြီးတော့ ဆေးစစ်ချက် အဖြေဟာလည်း သတင်းကောင်းကြားရတဲ့အတွက် သူအနေနဲ့ အရမ်းကို ဝမ်းသာပီတိဖြစ်မိကြောင်း ဖြည့်စွက်ပြောထားပါသေးတယ်။

“မေကြီးဆီက သူ့ကင်ဆာဆေးစစ်အဖြေ သတင်းကောင်းလေးလဲ ကြားရပြီဆိုတော့ စိတ်လဲ တော်တော် သက်သာသွားပြီ.. ဆက်တော့ကုရဦးမှာပါ.. သူငယ်ချင်း Chrissy လဲ New York ပြောင်းလာပြီဆိုတော့ ပရိတ်သတ်များအတွက်လဲ ဟာသဗီဒီယိုလေးတွေ ဒီကြားထဲရိုက်ပြီး ပြန်တင်ပေးမယ်နော်.. Beauty pageant နဲ့ ပက်သတ်တဲ့ဗီဒီယိုလေးတွေ.. Modeling နဲ့ ပတ်သတ်တဲ့ ဗီဒီယိုလေးတွေလဲတင်မယ်..ကြိုးစားပါမယ်.. အားပေးနော်.. ကံကောင်းခြင်းလေးတွေ စတင်ရောက်ရှိလာတော့မယ်လို့ခံစားရတယ်.. မုန်တိုင်းတွေမြန်မြန်ပြီးလို့ လေပြေလာပါတော့လို့ဆုတောင်းနေပါတယ်.”ဆိုပြီး ဆက်လက်ပြောပြထားပါတယ်။

Photo : ဥက္ကာမင်းမောင် FB

သူဆီကနေ သတင်းကောင်းတွေ ကြားရတဲ့အတွက်လည်း ပရိသတ်တွေအနေနဲ့ အရမ်းကို ဝမ်းသာနေကြသလို အလုပ်တွေအဆင်ပြေဖို့နဲ့မိခင်ကြီး အမြန်နေကောင်းဖို့ကိုလည်း ဝိုင်းပြီး ဆုတောင်းပေးထားကြပါသေးတယ်။

ဥက္ကာမင်းမောင်ကို Music Video တွေကနေတဆင့် ပရိသတ်တွေ စတင်သိရှိလာကြတာပါ။ အဲ့ဒီနောက် ဗီဒီယို ဇာတ်ကား တော်တော်များများလည်း ရိုက်ကူးထားတာကို တွေ့ရပါတယ်။ သူဟာ Mister Tourism World 2016 Winner ဆုကို ရရှိပိုင်ဆိုင်ထားတဲ့သူတစ်ယောက်ဖြစ်ပါတယ်။ အနုပညာလှုပ်ရှားမှု အနေ နဲ့ သရုပ်ဆောင်ဘက်မှာရော၊ ဂီတဘက်မှာပါ အားသွန်ခွန်စိုက် ကြိုးစားခဲ့သူဖြစ်ပြီး 18 Album ကိုလည်း ထွက်ရှိထားသူတစ်ယောက်လည်း ဖြစ်ပါတယ်။ သူ့အနေနဲ့ မြန်မာနိုင်ငံက အနုပညာအလုပ်တွေလည်း လုပ်ကိုင်လျှက်ရှိသလို New York မှာရှိတဲ့ အနုပညာလောကထဲကိုလည်း ဝင်ရောက်နိုင်ဖို့ ကြိုးစားနေသူဖြစ်ပါတယ်။ သူဟာ အမေရိကန် ရုပ်ရှင်ဇာတ်ကားတစ်ကားဖြစ်တဲ့ 'Dead Of Night' Short Film မှာလည်း ပါဝင်သရုပ်ဆောင်ထားပါသေးတယ်။

က္က