ခရိုအေးရှားတောင်ပံကစားသမားအနေနဲ့ ပြီးခဲ့တဲ့နွေရာသီအပြောင်းအရွှေ့မှာ ဘိုင်ယန်မြူးနစ်အသင်းဆီ အငှားစာချုပ်နဲ့ပြောင်းရွှေ့ခဲ့တာလည်းဖြစ်ပါတယ်။
ဘိုင်ယန်မြူးနစ်အသင်းရဲ့ တောင်ပံကစားသမားဖြစ်သူ ပါရီဆစ်ဟာ ပြီးခဲ့တဲ့အပြောင်းအရွှေ့ကာလအ တွင်းက အခြေအနေအချို့ကို ထုတ်ဖော်ပြောဆိုခဲ့ပြီး သတင်းတွေထွက်ပေါ်ခဲ့တဲ့အတိုင်းမန်ချက်စ တာ ယူနိုက်တက်အသင်းဆီ ပြောင်းရွှေ့လိုခဲ့တယ်လို့ ဝန်ခံပြောဆိုခဲ့မှုကို dailymail ကဖော်ပြလာပါတယ်။
အသက် ၃၀အရွယ်ရှိ ခရိုအေးရှားလက်ရွေးစင်တောင်ပံကစားသမားဟာ မန်ချက်စတာယူနိုက်တ က် အသင်းတွင် နည်းပြမော်ရင်ဟိုရှိစဉ်ကတည် းက အကြိမ်ကြိမ်ကမ်းလှမ်းခံခဲ့ရသူဖြစ်ပြီး ညှိနှိုင် းဆွေး နွေး မှုတွေပြုလုပ်ခဲ့ပေမယ့် အဆင်မပြေမှုတွေရှိခဲ့တာပါ။
“ ယူနိုက်တက်ကိုပြောင်းရွှေ့ဖို့အခြေအနေက တကယ်ကိုနီးစပ်ခဲ့တာပါ။ မော်ရင်ဟိုလိုနည်းပြမျိုးကတ ရားဝင်ကမ်းလှမ်းခဲ့တာကို ငြင်းဆန်ဖို့ဆိုတာ တော်တော်လေးကိုခက်ခဲပါတယ်။ ယူနိုက်တက်အသင်း မှာ ကစားခွင့်ရဖို့က အိပ်မက်တစ်ခုဖြစ်ခဲ့ပေမယ့် အမှန်တကယ်ဖြစ်မလာခဲ့ပါဘူး ” လို့ ပါရီဆစ်က The Athletic နဲ့ပြုလုပ်ခဲ့တဲ့ အင်တာဗျူးအစီအစဉ်မှာ ထုတ်ဖော်ပြောဆိုခဲ့တာဖြစ်ပါတယ်။
အင်တာမီလန်အသင်းအနေနဲ့ ပြီးခဲ့တဲ့ရာသီတုန်းက ပါရီဆစ်အတွက် ကမ်းလှမ်းမှုများစွာရှိခဲ့ခြင်းကိုအ ကြိမ်ကြိမ်ပယ်ချခဲ့ပေမယ့် အခုနှစ်နွေရာသီကစားသမားအပြောင်းအရွှေ့တွင်မူ ကစားသမားရဲ့ဆန္ဒကို လိုက်လျောပြီး အငှားစာချုပ်နဲ့ ထွက်ခွာခွင့်ပေးခဲ့တာလည်းဖြစ်ပါတယ်။
လက်ရှိမှာ ဘိုင်ယန်မြူးနစ်အသင်းနဲ့အတူ တစ်ရာသီအငှားစာချုပ်ကစားနေခဲ့တဲ့ ပါရီဆစ်ဟာ တစ်ချိန် မှာ ပရီးမီးယားလိဂ်ကိုပြောင်းရွှေ့ကစားလိုတယ်လို့ ဝန်ခံထားခဲ့သလို လီဗာပူးနည်းပြဂျာဂင်ကလော့ပ် ကလည်း စိတ်ဝင်နေတယ်လို့ သတင်းဖော်ပြမှုတွေရှိနေခဲ့ပါတယ်။